Leviticus 17

¹ And the preest schal schede the blood on the auter of the Lord, at the dore of the tabernacle of witnessyng; and he schal brenne the ynnere fatnesse in to odour of swetnesse to the Lord. ² And thei schulen no more offre her sacrifices to fendis, with whiche thei diden fornycacioun; it schal be a lawful thing euerlastynge to hem, and to the aftircomeris of hem. 3 And thou schalt seie to hem, A man of the hows of Israel, and of the comelyngis that ben pilgryms among you, that offrith a brent sacrifice, ethir a slayn sacrifice, 4 and bryngith it not to the dore of the tabernacle of witnessyng, that it be offrid to the Lord, schal perische fro his puple. 5 If ony man of the sones of Israel, and of comelyngis that ben pilgryms among you, etith blood In Ebreu it is, eny blood. , Y schal sette faste my face ayens the soule of hym, and Y schal leese hym fro his puple; ⁶ for the lijf of fleisch is in blood, and Y yaf that blood to you, that ye clense on myn auter for youre soulis, and that the blood be for the synne of soule. 7 Therfor Y seide to the sones of Israel, Ech lyuynge man of you schal not ete blood, nethir of the comelyngis that ben pilgryms among you. 8 What euer man of the sones of Israel, and of the comelyngis that ben pilgryms anentis you, takith a wielde beeste, ethir a brid, whiche it is leueful to ete, whether bi huntyng, whether bi haukyng, schede the blood therof, and hile it with erthe; 9 for the lijf of ech fleisch is in blood. Wherfor Y seide to the sones of Israel, Ye schulen not ete the blood of ony fleisch, for the lijf of fleisch is in blood, and who euer etith blood, schal perische. 10 A man that etith a thing deed deed, this is vndirstondun of beestis grauntid to mete. bi it silf, ethir takun of a beeste, as wel of men borun in the lond, as of comelyngis, he schal waische hise clothis and hym silf in watir, and he schal be defoulid til to euentid; and by this ordre he schal be maad cleene; that if he waischith not his clothis, ¹¹ ether his bodi, he schal bere his wickidnesse. ¹³ And the Lord spak to Moises, and seide, Speke thou to the sones of Israel, ¹⁴ and thou schalt seie to hem, Y am youre Lord God; ¹⁵ ye schulen not do by the custom of the lond of Egipt, in which ye dwelliden; ye schulen not do bi the custom of the cuntrei of Canaan, `to which Y schal brynge you yn, nethir ye schulen go in the lawful thingis of hem. ¹⁶ Ye schulen do my domes, and ye schulen kepe myn heestis, and ye schulen go in tho; Y am youre Lord God.