Leviticus 2

¹ thou schalt departe it in smale partis, and thou schalt schede oile ther onne. ² Ellis if the sacrifice is of a gridele, euenli the whete flour schal be spreynd with oile; ³ which whete flour thou schalt offre to the Lord, and schalt bitake in the hondis of the preest. ⁴ And whanne he hath offrid it, he schal take a memorial of the sacrifice, and he schal brenne it on the auter, in to odour of swetnesse to the Lord.</span> <span class="verse" data-verse="5"><sup>5</sup> Sotheli what euer thing is residue, it schal be Aarons and hise sones, the hooly of hooli thingis of the offryngis to the Lord. ⁶ Ech offryng which is offrid to the Lord, schal be without sour dow, nether ony thing of sour dow, and of hony, schal be brent in the sacrifice of the Lord. ⁷ Ye schulen offre oneli the firste fruytis of tho, and yiftis; sotheli tho schulen not be put on the auter, in to odour of swetnesse. ⁸ Whateuer thing of sacrifice thou schalt offre, thou schalt make it sauery with salt, nether thou schalt take awey the salt of the boond of pees of thi God fro thi sacrifice; in ech offryng thou schalt offre salt. ⁹ Forsothe if thou offrist a yifte of the firste thingis of thi fruytis to the Lord, of eeris of corn yit grene, thou schalt seenge tho in fier, and thou schalt breke in the maner of seedis; and so thou schalt offre thi firste fruytis to the Lord,</span> <span class="verse" data-verse="10"><sup>10</sup> and thou schalt schede oyle theronne, and schalt putte encense, for it is the offryng of the Lord.</span> <span class="verse" data-verse="11"><sup>11</sup> Of which the preest schal brenne, in to mynde of the yifte, a part of the seedis brokun, and of oyle, and al the encense. ¹³ That if his offryng is a sacrifice of pesible thingis, and he wole offre of oxun, he schal offre bifore the Lord a male, ether a female, without wem. ¹⁴ And he schal sette hond on the heed of his sacrifice, that schal be offrid in the entryng of the tabernacle; and the sones of Aaron preest schulen schede the blood bi the cumpas of the auter. ¹⁵ And thei schulen offre of the sacrifice of pesible thingis in to offryng to the Lord, the fatnesse that hilith the entrailis, and what euer thing of fatnesse is with ynne; ¹⁶ thei schulen offre twey kydeneris, with the fatnesse bi which the guttis clepid ylyon ben hilid, and the calle of the lyuer with the litle reynes.