Leviticus 24

¹ of whiche thou schalt sette sexe on euer eithir side, on a clenneste boord bifor the Lord; ² and thou schalt sette clereste encense on tho looues, that the looues be in to mynde of offryng of the Lord; ³ bi ech sabat tho schulen be chaungid bifor the Lord, and schulen be takun of the sones of Israel bi euerlastynge boond of pees; ⁴ and tho schulen be Aarons and hise sones, that thei ete tho in the hooli place, for it is hooli of the noumbre of hooli thingis, of the sacrifices of the Lord, bi euerlastynge lawe. ⁵ Lo! forsothe the sone of a womman of Israel, whom sche childide of a man Egipcian, yede out among the sones of Israel, and chidde in the castels with a man of Israel, ⁶ and whanne he hadde blasfemyd the name of the Lord, and hadde cursid the Lord, he was brouyt to Moises; forsothe his modir was clepid Salumyth, the douytir of Dabry, of the lynage of Dan; ⁷ and thei senten hym to prisoun, til thei wisten what the Lord comaundide. ⁸ And the Lord spak to Moises and seide, ⁹ Lede out the blasfemere without the castels, and alle men that herden, sette her hondis on his heed, and al the puple stone hym. ¹⁰ And thou schalt speke to the sones of Israel, A man that cursith his God, ¹¹ schal bere his synne, and he that blasfemeth the name of the Lord, die bi deeth; al the multitude of the puple schal oppresse hym with stoonus, whether he that blasfemede the name of the Lord is a citeseyn, whether a pilgrym, die he bi deeth. ¹² He that smytith and sleeth a man, die bi deeth; ¹³ he that smytith a beeste, yelde oon in his stide, that is, lijf for lijf liyf for liyf, that is, a beeste of the same kynde and valu, ether the priys bi the doom of iugis. . ¹⁴ If a man yyueth a wem that is, meymyng ether orrible hirting. to ony of hise citeseyns, as he dide, so be it don to him; ¹⁵ he schal restore brekyng for brekyng, iye for iye, tooth for tooth; what maner wem he yaf, he schal be compellid to suffre sich a wem. ¹⁶ He that smytith werk beeste, yeelde another; he that smytith a man, schal be punyschid be punyschid, in Ebreu it is, die. . ¹⁷ Euene doom be among you, whether a pilgrym ethir a citeseyn synneth, for Y am youre Lord God. ¹⁸ And Moyses spak to the sones of Israel, and thei brouyten forth out of the castels hym that blasfemede, and oppressiden with stoonus. And the sones of Israel diden, as the Lord comaundide to Moyses. ²⁰ And the Lord spak to Moises in the hil of Synai, ²¹ and seide, Speke thou to the sones of Israel, and thou schalt seye to hem, Whanne ye han entrid in to the lond which Y schal yyue to you, `the erthe kepe the sabat of the Lord; ²² sixe yeeris thou schalt sowe thi feeld, and sixe yeeris thou schalt kitte thi vyner, and thou schalt gadere the fruytis ther of; ²³ forsothe in the seuenthe yeer schal be sabat of the erthe of the restyng of the Lord;