Nahum 1

¹ And Y schal seie to that, that is not my puple, Thou art my puple, and it schal seie, Thou art my God. ³ And the Lord seide to me, Yit go thou, and loue a womman loued of a frend, and a womman auoutresse, as the Lord loueth the sones of Israel; and thei biholden to alien goddis, and louen the draffis of grapis. ⁴ And Y dalf it to me bi fiftene pens, and bi a corus of barli, and bi half a corus of barli. ⁵ And Y seide to it, Bi many daies thou shalt abide me; thou schalt not do fornycacioun, and thou schalt not be with an hosebonde, but also Y schal abide thee. ⁶ For bi many daies the sones of Israel schulen sitte with out kyng, with out prince, and with out sacrifice, and with out auter, and with out prestis cloth, and with out terafyn, that is, ymagis. ⁷ And after these thingis the sones of Israel schulen turne ayen, and schulen seke her Lord God, and Dauid, her king; and thei schulen drede at the Lord, and at the good of him, in the laste of daies. ⁹ Sones of Israel, here ye the word of the Lord, for whi doom is to the Lord with the dwelleris of erthe; for whi trewthe is not, and merci is not, and kunnyng of the Lord is not in erthe. ¹⁰ Curs, and leesyng, and manquelling, and thefte, and auowtrie flowiden, and blood touchide blood. ¹¹ For this thing the erthe schal mourne, and ech that dwellith in that lond, schal be sijk, in the beeste of the feeld, and in the brid of the eir; but also the fischis of the see schulen be gaderid togidere. ¹² Netheles ech man deme not, and a man be not repreuyd; for thi puple is as thei that ayen seien the prest. ¹³ And thou schalt falle to dai, and the profete also schal falle with thee; in the niyt Y made thi modir to be stille. ¹⁴ My puple was stille, for it hadde not kunnyng; for thou hast putte awei kunnyng, Y schal putte thee awei, that thou vse not presthod to me; and for thou hast foryete the lawe of thi God, also Y schal foryete thi sones. ¹⁵ Bi the multitude of hem, so thei synneden ayens me. Y schal chaunge the glorie of hem in to schenschipe.