Nehemiah 13

¹ and Y comaundide, and thei clensiden the tresories; and Y brouyte ayen there the vessels of Goddis hous, sacrifice, and encence. ² And Y knew that the partes of dekenes weren not youun, and that ech man of the dekenes and of the syngeris, and of hem that mynystriden hadde fledde in to his cuntrei; ³ and Y dide the cause ayens magistratis, and Y seide, Whi forsaken we the hous of God? And Y gaderide hem togidere, that is, dekenes and mynystris that hadden go awei, and Y made hem to stonde in her stondyngis. 4 And al Juda brouyte the tithe of wheete, of wiyn, and of oile, in to bernes. 5 And we ordeyneden on the bernes, Selemye, the prest, and Sadoch, the writere, and Phadaie, of the dekenes, and bisidis hem, Anan, the sone of Zaccur, the sone of Mathanye; for thei weren preued feithful men, and the partis of her britheren weren bitakun to hem. 6 My God, haue mynde of me for this thing, and do thou not awei my merciful doyngis, whiche Y dide in the hows of my God, and in hise cerymonyes. 7 Yn tho daies Y siy in Juda men tredinge pressours in the sabat, men bryngynge hepis, and chargynge on assis wiyn, and grapis, and figis, and al birthun, and bringynge in to Jerusalem in the dai of sabat; and Y witnesside to hem, that thei schulden sille in the dai, in which it was leueful to sille. 8 And men of Tire dwelliden in it, and brouyten in fischis, and alle thingis set to sale, and thei selden in the sabatis to the sones of Juda and of Jerusalem. 9 And Y rebuykide the principal men of Juda, and Y seide to hem, What is this yuel thing which ye doen, and maken vnhooli the daie of the sabat? 10 Whether oure fadris diden not these thingis, and oure God brouyte on vs al this yuel, and on this citee? and ye encreessen wrathfulnesse on Israel, in defoulynge the sabat. ¹¹ Forsothe it was doon, whanne the yatis of Jerusalem hadden restid in the dai of sabat, Y seide, Schitte ye the yatis; and thei schittiden the yatis; and I comaundide, that thei schuden not opene tho yatis til aftir the sabat. And of my children Y ordeynede noumbris on the yatis, that no man schulde brynge in a birthun in the dai of sabat. ¹² And marchauntis, and men sillinge alle thingis set to sale dwelliden with out Jerusalem onys and twies. ¹³ And Y aresonyde hem, and Y seide to hem, Whi dwellen ye euene ayens the wal? If ye doon this the secounde tyme, Y schal sette hond on you. Therfor fro that tyme thei camen not in the sabat. ¹⁴ Also Y seide to dekenes, that thei schulden be clensid, and that thei schulden come to kepe the yatis, and to halowe the dai of sabat. And therfor for this thing, my God, haue mynde of me, and spare me bi the mychilnesse of thi merciful doyngis. ¹⁵ But also in tho daies Y siy Jewys weddinge wyues, wymmen of Azotus, and wymmen of Amonytis, and wymmen of Moabitis. ¹⁶ And her children spaken half part bi the speche of Ayotus, and kouden not speke bi the speche of Jewis, and thei spaken bi the langage of puple and of puple. ¹⁷ And Y rebuykide hem, and Y curside; and Y beet the men of hem, and Y made hem ballid, and Y made hem to swere bi the Lord, that thei schulden not yyue her douytris to the sones of tho aliens, and that thei schulden not take of the douytris of tho aliens to her sones, and to hem silf; 18 and Y seide, Whether Salomon, the kyng of Israel, synnede not in siche a thing? And certis in many folkis was no kyng lijk hym, and he was loued of his God, and God settide hym kyng on al Israel, and therfor alien wymmen brouyten hym to synne. 19 Whether also we vnobedient schulden do al this grete yuel, that we trespasse ayens oure Lord God, and wedde alien wyues? ²⁰ Forsothe Sanabalath Horonyte hadde weddid a douyter of the sones of Joiada, sone of Eliasib, the grete prest, which Sanaballath Y droof awei fro me. ²¹ My Lord God, haue mynde ayens hem, that defoulen presthod, and the riyt of prestis and of dekenes. Therfor I clenside hem fro alle aliens, and I ordeynede ordris of prestis and of dekenes, ²² ech man in his seruice, and in the offring, ²³ that is, dressing, of trees in tymes ordeyned, and in the firste fruytis. My God, haue mynde of me in to good. ²⁴ Tobit ²⁶ Tobie was of the lynage and citee of Neptalym, which is in the hiyere partis of Galilee, aboue Naason, bihynde the weie that ledith to the west, and hath in the lefte side the citee of Sapheth, ²⁷ whanne he was takun in the daies of Salmanazar, kyng of Assiriens, netheles he set in caytifte, `ether takun prisoner, forsook not the weie of treuthe, ²⁸ so that he departide ech dai alle thingis whiche he myyte haue, with caitif britheren that weren of his kyn. ²⁹ And whanne he was yongere than alle in the lynage of Neptalym, netheles he dide no childische thing in werk. ³⁰ Forsothe whanne alle Jewis yeden to the goldun calues, whiche Jeroboam, the kyng of Israel, made, this Tobie aloone fledde the cumpenyes of alle men; ³¹ and he yede to Jerusalem, to the temple of the Lord, and there he worschipide the Lord God of Israel; and he offride feithfuly alle hise firste fruytis, and hise tithis;