Nehemiah 6

¹ And Y sente to hem, and seide, It is not doon bi these wordis whiche thou spekist; for of thin herte thou makist these thingis. ² Alle these men maden vs aferd, and thouyten that oure hondis schulden ceesse fro werkis, that we schulden reste; for which cause Y coumfortide more myn hond. ³ And Y entride priueli in to the hows of Samaie, sone of Dalie, the sone of Methabehel, which seide, Trete we with vs silf in the hows of God, in the myddis of the temple, and close we the yatis of the hows; for thei schulen come to sle thee, and thei schulen come bi niyt to sle thee. ⁴ And Y seide, Whether ony man lijk me fledde, and who as Y schal entre in to the temple, and schal lyue? ⁵ Y schal not entre. And Y vndurstood that God hadde not sent hym, but he spak as profesiynge to me; and Tobie and Sanaballath hadden hirid hym for meede. 6 For he hadde take prijs, that Y schulde be aferd, and do, and that Y schulde do synne; and thei schulden haue yuel, which thei schulden putte to me with schenschip. 7 Lord, haue mynde of me, for Tobye and Sanaballath, bi siche werkis of hem; but also of Noadie, the profete, and of othere profetis, that maden me aferd. ⁸ Forsothe the wal was fillid in the fyue and twentithe dai of the monethe Ebul, in two and fifti daies. ⁹ Sotheli it was doon, whanne alle oure enemyes hadden herd, that alle hethene men dredden, that weren in oure cumpas, and thei felden doun with ynne hem silf, and wiste, that this work was maad of God. ¹⁰ But also in tho daies many pistlis of the principal men of Jewis weren sent to Tobie, and camen fro Tobie to hem. ¹¹ For many men weren in Judee, and hadden his ooth; for he hadde weddid the douyter of Sechenye, the sone of Rotel; and Johannam, his sone, hadde take the douyter of Mosallam, sone of Barachie. ¹² But also thei preisiden hym bifor me, and telden my wordis to hym; and Tobie sente lettris, for to make me aferd. ¹⁴ Forsothe aftir that the wal of Jerusalem was bildid, and Y hadde set yatis, and Y hadde noumbrid porters, and syngeris, ¹⁵ and dekenys, Y comaundide to Aneny, my brother, and to Ananye, the prince of the hows of Jerusalem; for he semyde a sothefast man, and dredynge God more than othere men diden; ¹⁶ and Y seide to hem, The yatis of Jerusalem ben not openyd til to the heete of the sunne; and, whanne Y was yit present, the yatis weren closid, and lockid. And Y settide keperis of the dwelleris of Jerusalem, alle men bi her whilis, and ech man ayens his hows. 17 Sotheli the citee was ful brood and greet, and litil puple was in myddis therof, and housis weren not bildid. 18 Forsothe God yaf in myn herte, and Y gaderide togidere the principal men, and magistratis, and the comyn puple, for to noumbre hem; and Y foond the book of the noumbre of hem, that hadden stied first. And it was foundun writun ther ynne, 19 These ben the sones of the prouynce, that stieden fro the caitifte of men passynge ouer, whiche Nabugodonosor, the kyng of Babiloyne, hadde `translatid, ether led ouer;