Numbers 12

¹ for Y speke to hym mouth to mouth, and he seeth God opynli or clerli passinge other. , and not bi derke spechis and figuris. Why therfor dredden ye not to bacbite ether depraue my seruaunt Moises? 2 And the Lord was wrooth ayens hem, and he wente a wei. 3 And the cloude yede awei, that was on the tabernacle and lo! Marie apperide whijt with lepre as snow. And whanne Aaron biheelde hir, and siy hir bispreynd with lepre, 4 he seide to Moises, My lord, Y beseche, putte thou not this synne on vs, 5 which we diden folili, that this womman be not maad as deed, and as a deed borun thing which is cast out of the wombe of his modir; lo! now the half of hir fleisch is deuourid with lepre. ⁶ And Moises criede to the Lord, and seide, Lord, Y biseche, heele thou hir. ⁷ To whom the Lord answerid, If hir fadir hadde spet in to hir face, where sche ouyte not to be fillid with schame, nameli in seuene daies? Therfor be sche departid out of the tentis bi seuen daies, and aftirward sche schal be clepid ayen. ⁸ And so Marie was excludid out of the tentis bi seuene daies; and the puple was not mouyd fro that place, til Marie was clepid ayen. ¹⁰ And the puple yede forth fro Asseroth, whanne the tentis weren set in the deseert of Pharan. ¹¹ And there the Lord spak to Moises, ¹² and seide, Sende thou men that schulen biholde the lond of Canaan, which Y schal yyue to the sones of Israel, of ech lynage o man of the princes. ¹³ Moises dide that that the Lord comaundide In Ebru it is, seid, for it was not propirly a comaundement but a suffraunce. , and sente fro the deseert of Pharan princes, men of whiche these ben the names. ¹⁴ Of the lynage of Ruben, Semmya, the sone of Zectur. ¹⁵ Of the lynage of Symeon, Saphat, the sone of Hury. ¹⁶ Of the lynage of Juda, Caleph, the sone of Jephone.