Numbers 24

¹ watir schal flowe of his bokat, and his seed schal be in to many watris, that is, puplis. The kyng of hym schal be takun a wei for Agag, and the rewme of hym schal be doon awai. 2 God ledde hym out of Egipt, whos strengthe is lijk an vnicorn; thei schulen deuoure thei schulen deuoure etc. In Ebreu it is thus, Israel schal deuoure hethen men hise enemyes, and schal gnawe the bonys of hem, that is, schal distrie the strengthe of hem. hethene men, enemyes of hym, that is, of Israel; and thei schulen breke the boonus of hem, and schulen perse with arowis. ³ He restide and slepte as a lyoun, and as a lionesse, whom no man schal dore reise. He that blessith thee, schal be blessid; he that cursith, schal ⁴ be arettid in to cursyng And Balaach was wrooth ayens Balaam, and seide, whanne the hondis weren wrungun to gidere, I clepide thee to curse myn enemyes, whiche ayenward thou hast blessid thries. ⁵ Turne ayen to thi place; forsothe Y demede to onoure thee greetli, but the Lord priuyde thee fro onour disposid. ⁶ Balaam answeride to Balaach, Whethir Y seide not to thi messangeris, whiche thou sentist to me, ⁷ Thouy Balaach schal yyue to me his hows ful of siluer and of gold, Y schal not mow passe the word of my Lord God, that Y brynge forth of myn herte ony thing, ethir of good ethir of yuel, but what euer thing the Lord schal seie, Y schal speke this? ⁸ Netheles Y schal go to my puple, and Y schal yyue counsel to thee, what thi puple schal do in the laste tyme to this puple. ⁹ Therfor whanne a parable was takun, he seide eft, Balaam, the sone of Beor seide, a man whos iye is stoppid, ¹⁰ seide, the herere of Goddis wordis seide, which knowith the doctrine of the hiyeste, and seeth the reuelacioun of almiyti God, which fallith doun and hath opyn iyen, ¹¹ Y schal se hym, but not now; Y schal biholde hym, but not nyy; a sterre schal be borun of Jacob, and a yerde schal rise of Israel; and he schal smyte the duykis of Moab, and he schal waste alle the sones of Seth; and Ydumye schal be hys possessioun, ¹² the eritage of Seir schal bifalle to his enemyes; forsothe Israel schal do strongli, of Jacob schal be he that schal be lord, ¹³ and schal leese the relikis of the citee. ¹⁴ And whanne he hadde seyn Amalech, he took a parable, and seide, Amalech is the bigynning Amalech is the bigynnyng, that is, he roos first ayenus Israel aftir the goyng out of Egipt. of hethene men, whos laste thingis schulen be lost. ¹⁵ Also he siy Cyney, and whanne a parable was takun, he seide, Forsothe thi dwellyng place is strong, but if thou schalt sette thi nest in a stoon, 16 and schalt be chosun of the generacioun of Cyn, hou longe schalt thou mow dwelle? forsothe Assur schal take thee. 17 And whanne a parable was takun, he spak eft, Alas! who schal lyue, whanne the Lord schal make thes thingis? 18 Thei schulen come in grete schippis fro Ytalie, thei schulen ouercome Assiries, and thei schulen distrie Ebrews, and at the last also thei hem silf schulen perische. 19 And Balaam roos, and turnide ayen in to his place; and Balaach yede ayen bi the weye in which he cam. 21 Forsothe in that tyme Israel dwellide in Sechym; and the puple dide fornycacioun with the douytris of Moab; 22 whiche douytris clepiden hem to her sacrifices, and thei eten, and worschipiden the goddis of tho douytris; 23 and Israel made sacrifice to Belphegor. And the Lord was wrooth, 24 and seide to Moises, Take thou alle the princes of the puple, and hange hem ayens the sunne in iebatis, that my wodnesse, that is stronge veniaunce, be turned awai fro Israel. ²⁵ And Moises seide to the iugis of Israel, Ech man sle his neiyboris, that maden sacrifice to Belphagor.