Numbers 30

¹ in what dai the hosebonde herith, and ayenseith not, sche schal be gilti of avow; sche schal yelde, what euer thing sche bihiyte. 2 But if the hosebonde herith, and anoon ayenseith, and makith void alle hir biheestis, and wordis bi whiche sche boond hir soule, the Lord schal be merciful to hir. 3 A widewe, and a womman forsakun of hir hosebonde, schulen yelde, what euer thing thei avowen. 4 Whanne a wijf in the hous of hir hosebonde byndith hir silf bi a vow and an ooth, ⁵ if the hosebonde herith, and is stille and ayenseith not the biheest, sche schal yelde, what euer thing sche bihiyte. ⁶ Sotheli if the hosebonde ayenseide anoon, sche schal not be holdun gilti of biheest, for the hosebonde ayenseide, and the Lord schal be merciful to hir. ⁷ If sche avowith, and byndith hir silf bi an ooth, that sche turmente hir soule bi fastyng, ethir bi abstynence of othere thingis, it schal be in the doom of the hosebonde, that sche do, ether do not. ⁸ That if the hosebonde herith, and is stille, and delaieth the sentence in the tother dai, sche schal yelde what euer thing sche avowide and bihiyte, for he was stille, anoon as he herde. ⁹ Forsothe if the hosebonde ayenseide aftir that he wiste aftir that he wiste; that is, not anoon, whanne he wiste first, but aftirward. , he schal bere his wickidnesse. These ben the lawis, which the Lord ordeynede to Moyses bitwixe the hosebonde and the wijf, bitwixe the fadir and the douytir, which is yit in the age of a damysel, that is, not yit maried, ether which dwellith in `the hows of the fadir. ¹² And the Lord spak to Moyses, and seide, ¹³ Venge thou firste the sones of Israel of Madianytis, and so thou schalt be gaderid to thi puple. ¹⁴ And anoon Moises seide, Arme ye men of you to batel, that moun take of Madianytis the veniaunce of the Lord. ¹⁵ Of ech lynage be chosun a thousynde men of Israel, that schulen be sent to batel. ¹⁶ And of ech lynage thei yauen a thousynde, that is twelue thousynde of men, redi to batel;