Numbers 34

¹ Sotheli at the north coost, the termes schulen bigynne at the greet see, and schulen come til to the hiyeste hil the hiyeste hil. In Ebreu it is, til to the hil of hil. , 2 fro which tho schulen come in to Emath, til to the termes of Sedada; ³ and the coostis schulen go til to Ephrona, and the town of Enan. These schulen be the termes in the north part. 4 Fro thennus thei schulen mete coostis ayens the eest coost, fro the town Henan til to Sephama; ⁵ and fro Sephama termes schulen go doun in to Reblatha, ayens the welle of Daphnyn; fro thennus tho schulen come ayens the eest to the se of Cenereth; 6 and tho schulen strecche forth til to Jordan, and at the laste tho schulen be closid with the salteste see. Ye schulen haue this lond bi hise coostis in cumpas. 7 And Moises comaundide to the sones of Israel, and seide, This schal be the lond which ye schulen welde bi lot, and which the Lord comaundide to be youun to nyne lynagis and to the half lynage; 8 for the lynage of the sones of Ruben, bi her meynees, and the lynage of the sones of Gad, bi kynrede and noumbre, and half the lynage of Manasses, 9 that is, twey lynagis and an half, han take her part ouer Jordan, ayens Jerico, at the eest coost. 10 And the Lord seide to Moises, 11 These ben the names of men that schulen departe the lond to you, Eleazar, preest, and Josue, the sone of Nun, and of each lynage, o prynce; ¹² of whiche these ben the names, of the lynage of Juda, ¹³ Caleph, the sone of Jephone; ¹⁴ of the lynage of Symeon, Samuhel, the sone of Amyud; ¹⁵ of the lynage of Beniamyn, Heliad, sone of Casselon; ¹⁶ of the lynage of the sones of Dan, Bochi, sone of Jogli; of the sones of Joseph, ¹⁷ of the lynage of Manasses, Hamyel, sone of Ephoth; ¹⁸ of the lynage of Effraym, Camuhel, sone of Septhan; ¹⁹ of the lynage of Zabulon, Elisaphan, sone of Pharnat; ²⁰ of the lynage of Isacar, duyk Phaltiel, the sone of Ozan; of the lynage of Azer, ²¹ Abyud, the sone of Salomy; ²² of the lynage of Neptalym, Fedahel, the sone of Amyud. ²³ These men it ben, to whiche the Lord comaundide, that thei schulden departe to the sones of Israel the lond of Chanaan. ²⁵ And the Lord spak these thingis to Moises, in the feeldi places of Moab, aboue Jordan, ²⁶ ayens Jericho, Comaunde thou to the sones of Israel, that thei yyue to dekenes of her possessiouns, ²⁷ citees to dwelle citees to dwelle, he seith not to be lord, ether to resseyue rentis there, for the citees in whiche the dekenes dwelliden, weren so the kyngis, ether of othere lordis; wherfor and Ebron was oon of tho citees, as it is ha in xx. co. of Josue; and ne theles Caleph was lord therof for it was youun to him in to possessioun, as it is had in xv. co. of Josue. , and the suburbabis of tho bi cumpas, that thei dwelle in the citees, and the suburbabis be to beestis, and werk beestis; ²⁸ whiche suburbabis schulen be strecchid forth fro the wallis of citees with outforth `bi cumpas, in the space of a thousynde paacis; ²⁹ ayens the eest schulen be two thousynde cubitis, and ayens the south in lijk manere schulen be two thousynde cubitis, and at the see that biholdith to the west schal be the same mesure, and the north coost schal be endid bi euene terme. And the citees schulen be in the myddis, and the suburbabis with outforth.