Numbers 36

¹ lest the possessioun of the sones of Joseph be meddlid fro lynage in to lynage. For alle men schulen wedde wyues of her lynage and kynrede; ² and alle wymmen and alle wymmen, etc. In Ebreu it is thus, each douyter that schal haue the eritage, schal be wiyf to o man of the kynrede of hir fadir. schulen take hosebondis of the same lynage, that the erytage dwelle in meynees, ³ and lynagis be not meddlid to hem silf, but dwelle so, ⁴ as tho ben departid of the Lord. And the douytris of Salphaat diden, as it was comaundid to hem. ⁵ And Maala, and Thersa, and Egla, and Melcha, and Noha, weren weddid to the sones of her fadris brother, ⁶ of the meynee of Manaasses, that was `the sone of Joseph, and the possessioun that was youun to hem, dwellide in the lynage and meynee of her fadir. ⁷ These ben the comaundementis and domes, whiche the Lord comaundide, bi the hond of Moyses, to the sones of Israel, in the feeldi places of Moab, aboue Jordan, ayens Jericho. ⁸ Deuteronomy ¹⁰ These ben the wordis whiche Moyses spak to al Israel ouer Jordan, in the wildirnesse of the feeld, ayens the reed see, bitwix Pharan and Tophel and Laban and Asseroth, where is ful myche gold, ¹¹ by enleuene daies fro Oreb bi the weie of the hil of Seir, til to Cades Barne. ¹² In the fortithe yeer, in the enleuenth monethe, in the firste dai of the monethe, Moises spak to the sones of Israel alle thingis whiche the Lord commandide to hym that he schulde seie to hem, ¹³ after that he smoot Seon, kyng of Ammorreis, that dwellide in Esebon, and Og, the kyng of Basan, that dwelide in Asseroth and in Edray, ouer Jordan, in the lond of Moab.