Philemon 1

¹ that the comynyng of thi feith be maad opyn, in knowing of al good thing in Crist Jhesu. ² And Y hadde greet ioye and coumfort in thi charite, for the entrailis of hooli men restiden bi thee, brother. ³ For which thing Y hauynge myche trist in Crist Jhesu, to comaunde to thee that that perteyneth to profit; ⁴ but Y biseche more for charite, sithen thou art siche as the elde Poul, and now the boundun of Jhesu Crist. ⁵ Y biseche thee for my sone Onesyme, whom Y in boondis bigat, ⁶ which sumtyme was vnprofitable to thee, but now profitable bothe to thee and to me; whom Y sente ayen to thee. ⁷ And resseyue thou hym as myn entrailis; ⁸ whom Y wolde withholde with me, that he schulde serue for thee to me in boondis of the gospel; ⁹ but with out thi counseil Y wolde not do ony thing, that thi good schulde not be as of nede, but wilful. ¹⁰ For perauenture therfor he departide fro thee for a tyme, that thou schuldist resseyue hym with outen ende; ¹¹ now not as a seruaunt, but for a seruaunt a most dere brother, most to me; and how myche more to thee, bothe in fleisch and in the Lord? ¹² Therfor if thou hast me a felowe, resseyue hym as me; for if he hath ony thing anoied thee, ¹³ ethir owith, arette thou this thing to me. ¹⁴ Y Poul wroot with myn hoond, Y schal yelde; that Y seie not to thee, that also thou owist to me thi silf. ¹⁵ So, brothir, Y schal vse thee in the Lord; fille thou myn entrails in Crist. ¹⁶ Y tristnynge of thin obedience wroot to thee, witynge that thou schalt do ouer that that Y seie. ¹⁷ Also make thou redi to me an hous to dwelle in; for Y hope that bi youre preyeris Y schal be youun to you. ¹⁸ Epafras, prisoner with me in Crist Jhesu, ¹⁹ greetith thee wel, and Mark, Aristark, Demas, Lucas, myn helperis. ²⁰ The grace of oure Lord Jhesu Crist be with youre spirit. Amen. ²¹ Ebrews ²³ God, that spak sum tyme bi prophetis in many maneres to oure fadris, at the ²⁴ laste in these daies he hath spoke to vs bi the sone; whom he hath ordeyned eir of alle thingis, and bi whom he made the worldis. ²⁵ Which whanne also he is the briytnesse of glorie, and figure of his substaunce, and berith alle thingis bi word of his vertu, he makith purgacioun of synnes, and syttith on the riythalf of the maieste in heuenes;