Proverbs 10

¹ For thei hatiden teching, and thei token not the drede of the Lord, ² nether assentiden to my councel, and depraueden al myn amendyng. ³ Therfor thei schulen ete the fruytis of her weie; and thei schulen be fillid with her counseils. ⁴ The turnyng awei of litle men in wit schal sle hem; and the prosperite of foolis schal leese hem. ⁵ But he that herith me, schal reste with outen drede; and he schal vse abundaunce, whanne the drede of yuels is takun awei. ⁷ Mi sone, if thou resseyuest my wordis, `and hidist myn heestis anentis thee; ⁸ that thin eere here wisdom, bowe thin herte to knowe prudence. ⁹ For if thou inwardli clepist wisdom, and bowist thin herte to prudence; ¹⁰ if thou sekist it as money, and diggist it out as tresours; ¹¹ thanne thou schalt vndirstonde the drede of the Lord, and schalt fynde the kunnyng of God. ¹² For the Lord yyueth wisdom; and prudence and kunnyng is of his mouth. ¹³ He schal kepe the heelthe of riytful men, and he schal defende hem that goen sympli. ¹⁴ And he schal kepe the pathis of riytfulnesse, and he schal kepe the weies of hooli men. ¹⁵ Thanne thou schalt vndirstonde riytfulnesse, and dom, and equytee, and ech good path. ¹⁶ If wysdom entrith in to thin herte, and kunnyng plesith thi soule, ¹⁷ good councel schal kepe thee, and prudence schal kepe thee; that thou be delyuered fro an yuel weie, ¹⁸ and fro a man that spekith weiward thingis. ¹⁹ Whiche forsaken a riytful weie, and goen bi derk weies; ²⁰ whiche ben glad, whanne thei han do yuel, and maken ful out ioye in worste thingis; ²¹ whose weies ben weywerd, and her goyingis ben of yuel fame. ²² That thou be delyuered fro an alien womman, and fro a straunge womman, that makith soft hir wordis; ²³ and forsakith the duyk of hir tyme of mariage, ²⁴ and hath foryete the couenaunt of hir God. For the hous of hir is bowid to deeth, and hir pathis to helle. ²⁵ Alle that entren to hir, schulen not turne ayen, nether schulen catche the pathis of lijf. ²⁶ That thou go in a good weie, and kepe the pathis of iust men. ²⁷ Forsothe thei that ben riytful, schulen dwelle in the lond; and symple men schulen perfitli dwelle ther ynne. ²⁸ But vnfeithful men schulen be lost fro the loond; and thei that doen wickidli, schulen be takun awey fro it. ³⁰ Mi sone, foryete thou not my lawe; and thyn herte kepe my comaundementis. ³¹ For tho schulen sette to thee the lengthe of daies, and the yeeris of lijf, and pees. ³² Merci and treuthe forsake thee not; bynde thou tho to thi throte, and write in the tablis of thin herte.