Proverbs 19

¹ A feynere bi mouth disseyueth his freend; but iust men schulen be deliuered bi kunnyng. ² A citee schal be enhaunsid in the goodis of iust men; and preysyng schal be in the perdicioun of wickid men. ³ A citee schal be enhaunsid bi blessing of iust men; and it schal be distried bi the mouth of wickid men. ⁴ He that dispisith his freend, is nedi in herte; but a prudent man schal be stille. ⁵ He that goith gilefuli, schewith priuetees; but he that is feithful, helith the priuetee of a freend. ⁶ Where a gouernour is not, the puple schal falle; but helthe of the puple is, where ben many counsels.</span> <span class="verse" data-verse="7"><sup>7</sup> He that makith feith for a straunger, schal be turmentid with yuel; but he that eschewith snaris, schal be sikur.</span> <span class="verse" data-verse="8"><sup>8</sup> A graciouse womman schal fynde glorie; and stronge men schulen haue richessis.</span> <span class="verse" data-verse="9"><sup>9</sup> A merciful man doith wel to his soule; but he that is cruel, castith awei, yhe, kynnesmen.</span> <span class="verse" data-verse="10"><sup>10</sup> A wickid man makith vnstable werk; but feithful mede is to hym, that sowith riytfulnesse.</span> <span class="verse" data-verse="11"><sup>11</sup> Merci schal make redi lijf; and the suyng of yuels schal make redi deth. ¹² A schrewid herte is abhomynable to the Lord; and his wille is in hem, that goen symply. ¹³ Thouy hond be in the hond, an yuel man schal not be innocent; but the seed of iust men schal be sauyd. ¹⁴ A goldun sercle, ether ryng, in the nose thrillis of a sowe, a womman fair and fool. ¹⁵ The desir of iust men is al good; abiding of wickid men is woodnesse. ¹⁶ Sum men departen her owne thingis, and ben maad richere; other men rauyschen thingis, that ben not hern, and ben euere in nedynesse. ¹⁷ A soule that blessith, schal be maad fat; and he that fillith, schal be fillid also. ¹⁸ He that hidith wheete `in tyme, schal be cursid among the puplis; but blessyng schal come on the heed of silleris. ¹⁹ Wel he risith eerli, that sekith good thingis; but he that is a serchere of yuels, schal be oppressid of tho. ²⁰ He that tristith in hise richessis, schal falle; but iust men schulen buriowne as a greene leef. ²¹ He that disturblith his hows, schal haue wyndis in possessioun; and he that is a fool, schal serue a wijs man. ²² The fruyt of a riytful man is the tre of lijf; and he that takith soulis, is a wijs man. ²³ If a iust man receyueth in erthe, how miche more an vnfeithful man, and synnere. ²⁵ He that loueth chastisyng, loueth kunnyng; but he that hatith blamyngis, is vnwijs. ²⁶ He that is good, schal drawe to hym silf grace of the Lord; but he that tristith in hise thouytis, doith wickidli. ²⁷ A man schal not be maad strong by wyckidnesse; and the root of iust men schal not be moued. ²⁸ A diligent womman is a coroun to hir hosebond; and rot is in the boonys of that womman, that doith thingis worthi of confusioun. ²⁹ The thouytis of iust men ben domes; and the counselis of wickid men ben gileful.