Proverbs 2

¹ Eritage to Israel, his seruaunt. ² For in oure lownesse he hadde mynde on vs. ³ And he ayenbouyte vs fro oure enemyes. ⁴ Which yyueth mete to ech fleisch. Knouleche ye to God of heuene. ⁵ Knouleche ye to the Lord of lordis; for his merci is with outen ende. ⁸ The hundrid and sixe and thrittithe salm. On the floodis of Babiloyne there we saten, and wepten; while we bithouyten on Syon. ⁹ In salewis in the myddil therof; we hangiden vp oure orguns. ¹⁰ For thei that ledden vs prisoners; axiden vs there the wordis of songis. And thei that ledden awei vs seiden; Synge ye to vs an ympne of the songis of Syon. ¹¹ Hou schulen we singe a songe of the Lord; in an alien lond? ¹² If Y foryete thee, Jerusalem; my riyt hond be youun to foryeting. ¹³ Mi tunge cleue to my chekis; if Y bithenke not on thee. If Y purposide not of thee, Jerusalem; in the bigynnyng of my gladnesse. ¹⁴ Lord, haue thou mynde on the sones of Edom; for the dai of Jerusalem. Whiche seien, Anyntische ye, anyntische ye; til to the foundement ther ynne.</span> <span class="verse" data-verse="15"><sup>15</sup> Thou wretchid douyter of Babiloyne; he is blessid, that schal yelde to thee thi yelding, which thou yeldidist to vs. ¹⁶ He is blessid, that schal holde; and hurtle doun hise litle children at a stoon. ¹⁸ The title of the hundrid and seuene and thrittithe salm. To Dauith him silf. Lord, Y schal knouleche to thee in al myn herte; for thou herdist the wordis of my mouth. Mi God, Y schal singe to thee in the siyt of aungels; ¹⁹ Y schal worschipe to thin hooli temple, and Y schal knouleche to thi name. On thi merci and thi treuthe; for thou hast magnefied thin hooli name aboue al thing. ²⁰ In what euere dai Y schal inwardli clepe thee, here thou me; thou schalt multipli vertu in my soule. ²¹ Lord, alle the kingis of erthe knouleche to thee; for thei herden alle the wordis of thi mouth. ²² And singe thei in the weies of the Lord; for the glorie of the Lord is greet.