Proverbs 25

¹ It spedith more to meete a femal bere, whanne the whelpis ben rauyschid, than a fool tristynge to hym silf in his foli. ² Yuel schal not go a wei fro the hous of hym, that yeldith yuels for goodis. ³ He that leeueth watir, is heed of stryues; and bifor that he suffrith wrong, he forsakith dom. ⁴ Bothe he that iustifieth a wickid man, and he that condempneth a iust man, euer ethir is abhomynable at God. ⁵ What profitith it to a fool to haue richessis, sithen he mai not bie wisdom? He that makith his hous hiy, sekith falling; and he that eschewith to lerne, schal falle in to yuels. ⁶ He that is a frend, loueth in al tyme; and a brother is preuyd in angwischis. ⁷ A fonned man schal make ioie with hondis, whanne he hath bihiyt for his frend. ⁸ He that bithenkith discordis, loueth chidingis; and he that enhaunsith his mouth, sekith fallyng. ⁹ He that is of weiward herte, schal not fynde good; and he that turneth the tunge, schal falle in to yuel. ¹⁰ A fool is borun in his schenschipe; but nether the fadir schal be glad in a fool. ¹¹ A ioiful soule makith likinge age; a sorewful spirit makith drie boonys. ¹² A wickid man takith yiftis fro the bosum, to mys turne the pathis of doom. ¹³ Wisdom schyneth in the face of a prudent man; the iyen of foolis ben in the endis of erthe. ¹⁴ A fonned sone is the ire of the fadir, and the sorewe of the modir that gendride hym. ¹⁵ It is not good to brynge in harm to a iust man; nether to smyte the prince that demeth riytfuli. ¹⁶ He that mesurith his wordis, is wijs and prudent; and a lerud man is of preciouse spirit. ¹⁷ Also a foole, if he is stille, schal be gessid a wijs man; and, if he pressith togidre hise lippis, he schal be gessid an vndurstondynge man.</span> <span class="verse" data-verse="19"><sup>19</sup> He that wole go a wei fro a frend, sekith occasiouns; in al tyme he schal be dispisable.</span> <span class="verse" data-verse="20"><sup>20</sup> A fool resseyueth not the wordis of prudence; no but thou seie tho thingis, that ben turned in his herte. ²¹ A wickid man, whanne he cometh in to depthe of synnes, dispisith; but sclaundre and schenschipe sueth hym. ²² Deep watir is the wordis of the mouth of a man; and a stronde fletinge ouer is the welle of wisdom. ²³ It is not good to take the persoone of a wickid man in doom, that thou bowe awei fro the treuthe of dom. ²⁴ The lippis of a fool medlen hem silf with chidyngis; and his mouth excitith stryues. ²⁵ The mouth of a fool is defoulyng of hym; and hise lippis ben the fallynge of his soule. ²⁶ The wordis of a double tungid man ben as symple; and tho comen `til to the ynnere thingis of the wombe. Drede castith doun a slowe man; forsothe the soulis of men turned in to wymmens condicioun schulen haue hungur. ²⁷ He that is neisch, and vnstidfast in his werk, is the brother of a man distriynge hise werkis. ²⁸ A strongeste tour is the name of the Lord; a iust man renneth to hym, and schal be enhaunsid.