Proverbs 3

¹ If Y schal go in the myddil of tribulacioun, thou schalt quikene me; and thou stretchidist forth thin hond on the ire of myn enemyes, and thi riyt hond made me saaf. ² The Lord schal yelde for me, Lord, thi merci is with outen ende; dispise thou not the werkis of thin hondis. ⁴ The title of the hundrid and eiyte and thrittithe salm. To victorie, the salm of Dauith. Lord, thou hast preued me, and hast knowe me; ⁵ thou hast knowe my sitting, and my rising ayen. ⁶ Thou hast vndirstonde my thouytis fro fer; thou hast enquerid my path and my corde. ⁷ And thou hast bifor seien alle my weies; for no word is in my tunge. ⁸ Lo! Lord, thou hast knowe alle thingis, the laste thingis and elde; thou hast formed me, and hast set thin hond on me. ⁹ Thi kunnyng is maad wondirful of me; it is coumfortid, and Y schal not mowe to it. ¹⁰ Whidir schal Y go fro thi spirit; and whider schal Y fle fro thi face? ¹¹ If Y schal stie in to heuene, thou art there; if Y schal go doun to helle, thou art present. ¹² If Y schal take my fetheris ful eerli; and schal dwelle in the last partis of the see. ¹³ And sotheli thider thin hond schal leede me forth; and thi riyt hond schal holde me. ¹⁴ And Y seide, In hap derknessis schulen defoule me; and the nyyt is my liytnyng in my delicis. ¹⁵ For whi derknessis schulen not be maad derk fro thee, aud the niyt schal be liytned as the dai; as the derknessis therof, so and the liyt therof. ¹⁶ For thou haddist in possessioun my reines; thou tokist me vp fro the wombe of my modir. ¹⁷ I schal knouleche to thee, for thou art magnefied dreedfuli; thi werkis ben wondirful, and my soule schal knouleche ful miche. ¹⁸ Mi boon, which thou madist in priuete, is not hyd fro thee; and my substaunce in the lower partis of erthe. ¹⁹ Thin iyen sien myn vnperfit thing, and alle men schulen be writun in thi book; daies schulen be formed, and no man is in tho. ²⁰ Forsothe, God, thi frendis ben maad onourable ful myche to me; the princeheed of hem is coumfortid ful myche. ²¹ I schal noumbre hem, and thei schulen be multiplied aboue grauel; Y roos vp, and yit Y am with thee. ²² For thou, God, schalt slee synneris; ye menquelleris, bowe awei fro me. ²³ For ye seien in thouyt; Take thei her citees in vanite. ²⁴ Lord, whether Y hatide not hem that hatiden thee; and Y failide on thin enemyes? ²⁵ Bi perfite haterede Y hatide hem; thei weren maad enemyes to me. ²⁶ God, preue thou me, and knowe thou myn herte; axe thou me, and knowe thou my pathis. ²⁷ And se thou, if weie of wickidnesse is in me; and lede thou me forth in euerlastinge wei. ²⁹ The title of the hundrid and nyne and thrittithe salm. To victorie, the salm of Dauith. ³⁰ Lord, delyuere thou me fro an yuel man; delyuere thou me fro a wickid man. ³¹ Whiche thouyten wickidnesses in the herte; al dai thei ordeyneden batels. ³² Thei scharpiden her tungis as serpentis; the venym of snakis vndir the lippis of hem. ³³ Lord, kepe thou me fro the hond of the synnere; and delyuere thou me fro wickid men. Which thouyten to disseyue my goyngis; ³⁴ proude men hidden a snare to me. And thei leiden forth cordis in to a snare; thei settiden sclaundir to me bisidis the weie. ³⁵ I seide to the Lord, Thou art mi God; Lord, here thou the vois of my biseching.