Proverbs 5

¹ And entre thou not in to dom with thi seruaunt; for ech man lyuynge schal not be maad iust in thi siyt. ² For the enemy pursuede my soule; he made lowe my lijf in erthe. He hath set me in derk placis, as the deed men of the world, ³ and my spirit was angwischid on me; myn herte was disturblid in me. ⁴ I was myndeful of elde daies, Y bithouyte in alle thi werkis; Y bithouyte in the dedis of thin hondis. ⁵ I helde forth myn hondis to thee; my soule as erthe with out water to thee. ⁶ Lord, here thou me swiftli; my spirit failide. Turne thou not a wei thi face fro me; and Y schal be lijk to hem that gon doun in to the lake. ⁷ Make thou erli thi merci herd to me; for Y hopide in thee. Make thou knowun to me the weie in which Y schal go; for Y reiside my soule to thee. ⁸ Delyuere thou me fro myn enemyes, Lord, Y fledde to thee; ⁹ teche thou me to do thi wille, for thou art my God. Thi good spirit schal lede me forth in to a riytful lond; ¹⁰ Lord, for thi name thou schalt quikene me in thin equite. Thou schalt lede my soule out of tribulacioun; ¹¹ and in thi merci thou schalt scatere alle myn enemyes. And thou schalt leese alle them, that troublen my soule; for Y am thi seruaunt. ¹³ The title of the hundrid and thre and fourtithe salm. A salm. Blessid be my Lord God, that techith myn hondis to werre; and my fyngris to batel. 14 Mi merci, and my refuyt; my takere vp, and my delyuerer. Mi defender, and Y hopide in him; and thou makist suget my puple vnder me. 15 Lord, what is a man, for thou hast maad knowun to him; ether the sone of man, for thou arettist him of sum valu? 16 A man is maad lijk vanyte; hise daies passen as schadow. 17 Lord, bowe doun thin heuenes, and come thou doun; touche thou hillis, and thei schulen make smoke. 18 Leite thou schynyng, and thou schalt scatere hem; sende thou out thin arowis, and thou schalt disturble hem. 19 Sende out thin hond fro an hiy, rauysche thou me out, and delyuere thou me fro many watris; and fro the hond of alien sones. 20 The mouth of which spak vanite; and the riythond of hem is the riyt hond of wickidnesse. 21 God, Y schal synge to thee a new song; I schal seie salm to thee in a sautre of ten stringis. 22 Which yyuest heelthe to kingis; which ayen bouytist Dauid, thi seruaunt, fro the wickid swerd rauische thou out me. 23 And delyuere thou me fro the hond of alien sones; the mouth of whiche spak vanyte, and the riythond of hem is the riyt hond of wickidnesse.