Proverbs 6

¹ The selers of hem ben fulle; bringinge out fro this vessel in to that. The scheep of hem ben with lambre, plenteuouse in her goingis out; ² her kien ben fatte. No falling of wal is, nether passing ouere; nether cry is in the stretis of hem.</span> <span class="verse" data-verse="3"><sup>3</sup> Thei seiden, The puple is blessid, that hath these thingis; blessid is the puple, whos Lord is the God of it. ⁵ The title of the hundrid and foure and fourtithe salm. The ympne of Dauith. Mi God king, Y schal enhaunse thee; and Y schal blesse thi name in to the world, and in to the world of world.</span> <span class="verse" data-verse="6"><sup>6</sup> Bi alle daies Y schal blesse thee; and Y schal herie thi name in to the world, and in to the world of the world.</span> <span class="verse" data-verse="7"><sup>7</sup> The Lord is greet, and worthi to be preisid ful myche; and noon ende is of his greetnesse.</span> <span class="verse" data-verse="8"><sup>8</sup> Generacioun and generacioun schal preise thi werkis; and thei schulen pronounse thi power.</span> <span class="verse" data-verse="9"><sup>9</sup> Thei schulen speke the greet doyng of the glorie of thin holynesse; and thei schulen telle thi merueils. ¹⁰ And thei schulen seye the vertu of thi ferdful thingis; and thei schulen telle thi greetnesse. ¹¹ Thei schulen bringe forth the mynde of the abundaunce of thi swetnesse; and thei schulen telle with ful out ioiyng thi riytfulnesse. ¹² The Lord is a merciful doere, and merciful in wille; paciente, and myche merciful. ¹³ The Lord is swete in alle thingis; and hise merciful doyngis ben on alle hise werkis. ¹⁴ Lord, alle thi werkis knouleche to thee; and thi seyntis blesse thee. ¹⁵ Thei schulen seie the glorie of thi rewme; and thei schulen speke thi power. ¹⁶ That thei make thi power knowun to the sones of men; and the glorie of the greetnesse of thi rewme. ¹⁷ Thi rewme is the rewme of alle worldis; and thi lordschipe is in al generacioun and in to generacioun. The Lord is feithful in alle hise wordis; and hooli in alle hise werkis. ¹⁸ The Lord liftith vp alle that fallen doun; and reisith alle men hurtlid doun. ¹⁹ Lord, the iyen of alle beestis hopen in thee; and thou yyuest the mete of hem in couenable tyme. ²⁰ Thou openest thin hond; and thou fillist ech beeste with blessing. ²¹ The Lord is iust in alle hise weies; and hooli in alle hise werkis. ²² The Lord is niy to alle that inwardli clepen him; to alle that inwardli clepen him in treuthe. ²³ He schal do the wille of hem, that dreden him, and he schal here the biseching of hem; and he schal make hem saaf. ²⁴ The Lord kepith alle men louynge him; and he schal leese alle synners. ²⁵ Mi mouth schal speke the heriyng of the Lord; and ech man blesse his hooli name in to the world, and in to the world of world. ²⁷ The title of the hundred and fyue and fourtithe salm. Alleluya. ²⁸ Mi soule, herie thou the Lord; Y schal herie the Lord in my lijf, Y schal synge to my God as longe as Y schal be. Nile ye triste in princis; ²⁹ nether in the sones of men, in whiche is noon helthe. ³⁰ The spirit of hym schal go out, and he schal turne ayen in to his erthe; in that dai alle the thouytis of hem schulen perische. ³¹ He is blessid, of whom the God of Jacob is his helpere, his hope is in his Lord God, that made heuene and erthe; ³² the see, and alle thingis that ben in tho. ³³ Which kepith treuthe in to the world, makith dom to hem that suffren wrong; yyueth mete to hem that ben hungri. The Lord vnbyndith feterid men; ³⁴ the Lord liytneth blynde men. The Lord reisith men hurtlid doun; the Lord loueth iust men. ³⁵ The Lord kepith comelyngis, he schal take vp a modirles child, and widewe; and he schal distrie the weies of synners.