Psalms 103

¹ Thou art Lord of the power of the see; forsothe thou aswagist the stiryng of the wawis therof. ² Thou madist lowe the proude, as woundid; in the arm of thi vertu thou hast scaterid thin enemyes. ³ Heuenes ben thin, and erthe is thin; thou hast foundid the world, and the fulnesse therof; ⁴ thou madist of nouyt the north and the see. Thabor and Hermon schulen make ful out ioye in thi name; ⁵ thin arm with power. Thin hond be maad stidefast, and thi riythond be enhaunsid; ⁶ riytfulnesse and doom is the makyng redy of thi seete. Merci and treuthe schulen go bifore thi face; ⁷ blessid is the puple that kan hertli song. Lord, thei schulen go in the liyt of thi cheer; ⁸ and in thi name thei schulen make ful out ioye al dai; and thei schulen be enhaunsid in thi riytfulnesse. ⁹ For thou art the glorie of the vertu of hem; and in thi good plesaunce oure horn schal be enhaunsid. ¹⁰ For oure takyng vp is of the Lord; and of the hooli of Israel oure kyng. ¹¹ Thanne thou spakist in reuelacioun to thi seyntis, and seidist, Y haue set help in the myyti; and Y haue enhaunsid the chosun man of my puple. ¹² I foond Dauid, my seruaunt; Y anoyntide hym with myn hooli oile. ¹³ For myn hond schal helpe him; and myn arm schal conferme hym. ¹⁴ The enemye schal no thing profite in him; and the sone of wickidnesse schal not `ley to, for to anoye him. ¹⁵ And Y schal sle hise enemyes fro his face; and Y schal turne in to fliyt hem that haten hym. ¹⁶ And my treuthe and mercy schal be with him; and his horn schal be enhaunsid in my name. ¹⁷ And Y schal sette his hond in the see; and his riyt hoond in flodis. ¹⁸ He schal inwardli clepe me, Thou art my fadir; my God, and the vptaker of myn heelthe. ¹⁹ And Y schal sette him the firste gendrid sone; hiyer than the kyngis of erthe. ²⁰ With outen ende Y schal kepe my merci to hym; and my testament feithful to him. ²¹ And Y schal sette his seed in to the world of world; and his trone as the daies of heuene. ²² Forsothe if hise sones forsaken my lawe; and goen not in my domes.