Psalms 108

¹ He that doith pride, schal not dwelle in the myddil of myn hous; he that spekith wickid thingis, seruede not in the siyt of myn iyen. ² In the morutid Y killide alle the synners of erthe; that Y schulde leese fro the citee of the Lord alle men worchynge wickidnesse. ⁴ The title of the `hundrid and o salm. The preier of a pore man, whanne he was angwishid, and schedde out his speche bifore the Lord. ⁵ Lord, here thou my preier; and my crie come to thee. ⁶ Turne not awei thi face fro me; in what euere dai Y am troblid, bowe doun thin eere to me. In what euere day Y schal inwardli clepe thee; here thou me swiftli. ⁷ For my daies han failid as smoke; and my boonus han dried vp as critouns. ⁸ I am smytun as hei, and myn herte dried vp; for Y haue foryete to eete my breed. ⁹ Of the vois of my weilyng; my boon cleuede to my fleische. ¹⁰ I am maad lijk a pellican of wildirnesse; Y am maad as a niyt crowe in an hous. ¹¹ I wakide; and Y am maad as a solitarie sparowe in the roof. ¹² Al dai myn enemyes dispisiden me; and thei that preisiden me sworen ayens me. ¹³ For Y eet aschis as breed; and Y meddlide my drinke with weping.