Psalms 11

¹ Oon schal cleue to anothir, and tho holdynge hem silf schulen not be departid. ² His fnesynge is as schynynge of fier, and hise iyen ben as iyelidis of the morewtid. ³ Laumpis comen forth of his mouth, as trees of fier, that ben kyndlid. ⁴ Smoke cometh forth of hise nosethirlis, as of a pot set on the fier `and boilynge. ⁵ His breeth makith colis to brenne, and flawme goith out of his mouth. ⁶ Strengthe schal dwelle in his necke, and nedynesse schal go bifor his face. ⁷ The membris of hise fleischis ben cleuynge togidere to hem silf; God schal sende floodis ayens hym, and tho schulen not be borun to an other place.