Psalms 112
Psalms chapter 112 from the John Wycliffe Bible (c.1395)
1 And thou sendist out wellis in grete valeis; watris schulen passe bitwix the myddil of hillis. 2 Alle the beestis of the feeld schulen drynke; wielde assis schulen abide in her thirst. 3 Briddis of the eir schulen dwelle on tho; fro the myddis of stoonys thei schulen yyue voices. 4 And thou moistist hillis of her hiyer thingis; the erthe schal be fillid of the fruyt of thi werkis. 5 And thou bringist forth hei to beestis; and eerbe to the seruyce of men. That thou bringe forth breed of the erthe; 6 and that wiyn make glad the herte of men. That he make glad the face with oile; and that breed make stidefast the herte of man. 7 The trees of the feeld schulen be fillid, and the cedris of the Liban, whiche he plauntide; 8 sparewis schulen make nest there. The hous of the gerfaukun is the leeder of tho; 9 hiye hillis ben refute to hertis; a stoon is refutt to irchouns. 10 He made the moone in to tymes; the sunne knewe his goyng doun.
