Psalms 119

¹ And Fynees stood, and pleeside God; and the veniaunce ceesside. ² And it was arrettid to hym to riytfulnesse; in generacioun and in to generacioun, til in to with outen ende. ³ And thei wraththiden God at the watris of ayenseiyng; and Moises was trauelid for hem, for thei maden bittere his spirit, ⁴ and he departide in his lippis. ⁵ Thei losten not hethen men; whiche the Lord seide to hem. ⁶ And thei weren meddlid among hethene men, and lerneden the werkis of hem, ⁷ and serueden the grauen ymagis of hem; and it was maad to hem in to sclaundre. ⁸ And thei offriden her sones; and her douytris to feendis. ⁹ And thei schedden out innocent blood, the blood of her sones and of her douytris; whiche thei sacrificiden to the grauun ymagis of Chanaan. ¹⁰ And the erthe was slayn in bloodis, and was defoulid in the werkis of hem; and thei diden fornicacioun in her fyndyngis. ¹¹ And the Lord was wrooth bi strong veniaunce ayens his puple; and hadde abhominacioun of his eritage. ¹² And he bitook hem in to the hondis of hethene men; and thei that hatiden hem, weren lordis of hem. ¹³ And her enemyes diden tribulacioun to hem, and thei weren mekid vndir the hondis of enemyes; ¹⁴ ofte he delyuerede hem. But thei wraththiden hym in her counsel; and thei weren maad low in her wickidnessis. ¹⁵ And he siye, whanne thei weren set in tribulacioun; and he herde the preyer of hem. ¹⁶ And he was myndeful of his testament; and it repentide hym bi the multitude of his merci. ¹⁷ And he yaf hem in to mercies; in the siyt of alle men, that hadden take hem. ¹⁸ Oure Lord God, make thou vs saaf; and gadere togidere vs fro naciouns. That we knouleche to thin hooli name; and haue glorie in thi preisyng. ¹⁹ Blessid be the Lord God of Israel fro the world and til in to the world; and al the puple schal seye, Be it don, be it don. ²¹ The title of the hundrid and sixte salm. Alleluya. Knouleche ye to the Lord, for he is good; for his merci is in to the world. 22 Sei thei, that ben ayen bouyt of the Lord; whiche he ayen bouyte fro the hond of the enemye, fro cuntreis he gaderide hem togidere. 23 Fro the risyng of the sunne, and fro the goyng doun; fro the north, and fro the see. 24 Thei erriden in wildirnesse, in a place with out watir; thei founden not weie of the citee of dwellyng place. 25 Thei weren hungri and thirsti; her soule failide in hem. 26 And thei crieden to the Lord, whanne thei weren set in tribulacioun; and he delyuerede hem fro her nedynesses. 27 And he ledde forth hem in to the riyt weie; that thei schulden go in to the citee of dwelling. 28 The mercies of the Lord knouleche to hym; and hise merueilis knouleche to the sones of men. 29 For he fillide a voide man; and he fillide with goodis an hungry man. 30 God delyuerede men sittynge in derknessis, and in the schadowe of deth; and men prisoned in beggerye and in yrun. 31 For thei maden bitter the spechis of God; and wraththiden the councel of the hiyeste. 32 And the herte of hem was maad meke in trauelis; and thei weren sijk, and noon was that helpide. 33 And thei crieden to the Lord, whanne thei weren set in tribulacioun; and he delyuerede hem from her nedynessis. 34 And he ledde hem out of derknessis, and schadowe of deth; and brak the boondis of hem. 35 The mercies of the Lord knouleche to hym; and hise merueils knouleche to the sones of men. 36 For he al to-brak brasun yatis; and he brak yrun barris. 37 He vptook hem fro the weie of her wickidnesse; for thei weren maad lowe for her vnriytfulnesses. 38 The soule of hem wlatide al mete; and thei neiyeden til to the yatis of deth. ³⁹ And thei crieden to the Lord, whanne thei weren set in tribulacioun; and he delyuerede hem fro her nedynessis. ⁴⁰ He sente his word, and heelide hem; and delyuerede hem fro the perischingis of hem. ⁴¹ The mercies of the Lord knouleche to hym; and hise merueils to the sones of men. ⁴² And offre thei the sacrifice of heriyng; and telle thei hise werkis in ful out ioiyng. ⁴³ Thei that gon doun in to the see in schippis; and maken worching in many watris. ⁴⁴ Thei sien the werkis of the Lord; and hise merueilis in the depthe. ⁴⁵ He seide, and the spirit of tempest stood; and the wawis therof weren arerid. ⁴⁶ Thei stien til to heuenes, and goen doun til to the depthis; the soule of hem failide in yuelis. 47 Thei weren troblid, and thei weren moued as a drunkun man; and al the wisdom of hem was deuourid. 48 And thei crieden to the Lord, whanne thei weren set in tribulacioun; and he ledde hem out of her nedynessis. 49 And he ordeynede the tempest therof in to a soft wynde; and the wawis therof weren stille. 50 And thei weren glad, for tho weren stille; and he ladde hem forth in to the hauene of her wille. 51 The mercies of the Lord knouleche to hym; and hise merueilis to the sones of men. 52 And enhaunse thei him in the chirche of the puple; and preise thei him in the chaier of eldre men. 53 He hath set floodis in to deseert; and the out goingis of watris in to thirst. 54 He hath set fruytful lond in to saltnesse; for the malice of men dwellyng ther ynne. 55 He hath set deseert in to pondis of watris; and erthe with out watir in to outgoyngis of watris. 56 And he settide there hungri men; and thei maden a citee of dwelling. 57 And thei sowiden feeldis, and plauntiden vynes; and maden fruyt of birthe. 58 And he blesside hem, and thei weren multiplied greetli; and he made not lesse her werk beestis. 59 And thei weren maad fewe; and thei weren trauelid of tribulacioun of yuelis and of sorewis. 60 Strijf was sched out on princes; and he made hem for to erre without the weie, and not in the weie. 61 And he helpide the pore man fro pouert; and settide meynees as a scheep bringynge forth lambren. 62 Riytful men schulen se, and schulen be glad; and al wickidnesse schal stoppe his mouth. 63 Who is wijs, and schal kepe these thingis; and schal vndirstonde the mercies of the Lord? 65 The title of the hundrid and seuenthe salm. The song of the salm of Dauid. 66 Min herte is redi, God, myn herte is redi; Y schal singe, and Y schal seie salm in my glorie. 67 My glorie, ryse thou vp, sautrie and harp, rise thou vp; Y schal rise vp eerli. 68 Lord, Y schal knouleche to thee among puplis; and Y schal seie salm to thee among naciouns. 69 For whi, God, thi merci is greet on heuenes; and thi treuthe is til to the cloudis. 70 God, be thou enhaunsid aboue heuenes; and thi glorie ouer al erthe. 71 That thi derlingis be delyuerid, make thou saaf with thi riythond, and here me; God spak in his hooli. 72 I schal make ful out ioye, and Y schal departe Siccimam; and Y schal mete the grete valei of tabernaclis. 73 Galaad is myn, and Manasses is myn; and Effraym is the vptaking of myn heed. Juda is my king; Moab is the caudron of myn hope. 74 In to Ydume Y schal stretche forth my scho; aliens ben maad frendis to me. 75 Who schal lede me forth in to a stronge citee; who schal lede me forth til in to Idume? 76 Whether not thou, God, that hast put vs awei; and, God, schalt thou not go out in oure vertues? 77 Yyue thou help to vs of tribulacioun; for the heelthe of man is veyn. 78 We schulen make vertu in God; and he schal bringe oure enemyes to nouyt. 80 The title of the hundrid and eiytthe salm. To victorye, the salm of Dauid. 81 God, holde thou not stille my preisyng; for the mouth of the synner, and the mouth of the gileful man is openyd on me. 82 Thei spaken ayens me with a gileful tunge, and thei cumpassiden me with wordis of hatrede; and fouyten ayens me with out cause. 83 For that thing that thei schulden loue me, thei bacbitiden me; but Y preiede. 84 And thei settiden ayens me yuelis for goodis; and hatrede for my loue. 85 Ordeyne thou a synner on him; and the deuel stonde on his riyt half. 86 Whanne he is demed, go he out condempned; and his preier be maad in to synne. ⁸⁷ Hise daies be maad fewe; and another take his bischopriche. ⁸⁸ Hise sones be maad faderles; and his wijf a widewe. ⁸⁹ Hise sones tremblinge be born ouer, and begge; and be cast out of her habitaciouns. ⁹⁰ An vsurere seke al his catel; and aliens rauysche hise trauelis. ⁹¹ Noon helpere be to him; nether ony be that haue mercy on hise modirles children. ⁹² Hise sones be maad in to perisching; the name of him be don awei in oon generacioun. ⁹³ The wickidnesse of hise fadris come ayen in to mynde in the siyt of the Lord; and the synne of his modir be not don awei. ⁹⁴ Be thei maad euere ayens the Lord; and the mynde of hem perische fro erthe. ⁹⁵ For that thing that he thouyte not to do merci, ⁹⁶ and he pursuede a pore man and beggere; and to slee a man compunct in herte. ⁹⁷ And he louede cursing, and it schal come to hym; and he nolde blessing, and it schal be maad fer fro him. And he clothide cursing as a cloth, and it entride as water in to hise ynnere thingis; and as oile in hise boonus. ⁹⁸ Be it maad to him as a cloth, with which he is hilyd; and as a girdil, with which he is euere gird. ⁹⁹ This is the werk of hem that bacbiten me anentis the Lord; and that speke yuels ayens my lijf. ¹⁰⁰ And thou, Lord, Lord, do with me for thi name; for thi merci is swete. ¹⁰¹ Delyuere thou me, for Y am nedi and pore; and myn herte is disturblid with ynne me. ¹⁰² I am takun awei as a schadowe, whanne it bowith awei; and Y am schakun awei as locustis. ¹⁰³ Mi knees ben maad feble of fasting; and my fleische was chaungid for oile. ¹⁰⁴ And Y am maad schenschipe to hem; thei sien me, and moueden her heedis. ¹⁰⁵ Mi Lord God, helpe thou me; make thou me saaf bi thi merci. ¹⁰⁶ And thei schulen wite, that this is thin hond; and thou, Lord, hast do it. ¹⁰⁷ Thei schulen curse, and thou schalt blesse, thei that risen ayens me, be schent; but thi seruaunt schal be glad. ¹⁰⁸ Thei that bacbiten me, be clothid with schame; and be thei hilid with her schenschipe as with a double cloth. ¹⁰⁹ I schal knouleche to the Lord greetli with my mouth; and Y schal herie hym in the myddil of many men. ¹¹⁰ Which stood nyy on the riyt half of a pore man; to make saaf my soule fro pursueris. ¹¹² The title of the hundrid and nynthe salm. The salm of Dauith. The Lord seide to my Lord; Sitte thou on my riyt side. Til Y putte thin enemyes; a stool of thi feet. ¹¹³ The Lord schal sende out fro Syon the yerde of thi vertu; be thou lord in the myddis of thin enemyes. ¹¹⁴ The bigynnyng is with thee in the dai of thi vertu, in the briytnessis of seyntis; Y gendride thee of the wombe before the dai sterre. ¹¹⁵ The Lord swoor, and it schal not repente him; Thou art a preest with outen ende, bi the ordre of Melchisedech. ¹¹⁶ The Lord on thi riyt side; hath broke kyngis in the dai of his veniaunce. ¹¹⁷ He schal deme among naciouns, he schal fille fallyngis; he schal schake heedis in the lond of many men. ¹¹⁸ He dranke of the stronde in the weie; therfor he enhaunside the heed. ¹²⁰ The title of the hundrid and tenthe salm. Alleluya. Lord, Y schal knouleche to thee in al myn herte; in the counsel and congregacioun of iust men. 121 The werkis of the Lord ben greete; souyt out in to alle hise willis. 122 His werk is knoulechyng and grete doyng; and his riytfulnesse dwellith in to the world of world. 123 The Lord merciful in wille, and a merciful doere, hath maad a mynde of hise merueilis; 124 he hath youe meete to men dredynge hym. He schal be myndeful of his testament in to the world; 125 he schal telle to his puple the vertu of hise werkis. 126 That he yyue to hem the eritage of folkis; the werkis of hise hondis ben treuthe and doom. 127 Alle hise comaundementis ben feithful, confermed in to the world of world; maad in treuthe and equite. 128 The Lord sente redempcioun to hys puple; he comaundide his testament with outen ende. His name is hooli and dreedful; 129 the bigynnyng of wisdom is the drede of the Lord. Good vndirstondyng is to alle that doen it; his preising dwellith in to the world of world. 131 The title of the hundrid and enleuenthe salm. Alleluya. Blissid is the man that dredith the Lord; he schal wilne ful myche in hise comaundementis. ¹³² His seed schal be myyti in erthe; the generacioun of riytful men schal be blessid. ¹³³ Glorie and richessis ben in his hous; and his riytfulnesse dwellith in to the world of world. ¹³⁴ Liyt is risun vp in derknessis to riytful men; the Lord is merciful in wille, and a merciful doere, and riytful. ¹³⁵ The man is merye, that doith merci, and leeneth; he disposith hise wordis in dom; ¹³⁶ for he schal not be moued with outen ende. ¹³⁷ A iust man schal be in euerlastinge mynde; he schal not drede of an yuel heryng. His herte is redi for to hope in the Lord; ¹³⁸ his herte is confermed, he schal not be moued, til he dispise hise enemyes. ¹³⁹ He spredde abrood, he yaf to pore men; his riytwisnesse dwellith in to the world of world; his horn schal be reisid in glorie. ¹⁴⁰ A synner schal se, and schal be wrooth; he schal gnaste with hise teeth, and schal faile; the desijr of synneris schal perische. ¹⁴² The title of the hundrid and twelfthe salm. Alleluya. Children, preise ye the Lord; preise ye the name of the Lord. 143 The name of the Lord be blessid; fro this tyme now and til in to the world. 144 Fro the risyng of the sunne til to the goyng doun; the name of the Lord is worthi to be preisid. 145 The Lord is hiy aboue alle folkis; and his glorie is aboue heuenes. 146 Who is as oure Lord God, that dwellith in hiye thingis; 147 and biholdith meke thingis in heuene and in erthe? 148 Reisynge a nedi man fro the erthe; and enhaunsinge a pore man fro drit. 149 That he sette hym with princes; with the princes of his puple. 150 Which makith a bareyn womman dwelle in the hous; a glad modir of sones. 152 The titil of the hundrid and thrittenthe salm. Alleluya. In the goyng out of Israel fro Egipt; of the hous of Jacob fro the hethene puple. 153 Judee was maad the halewyng of hym; Israel the power of hym. 154 The see siy, and fledde; Jordan was turned abac. 155 Munteyns ful out ioyeden as rammes; and litle hillis as the lambren of scheep. 156 Thou see, what was to thee, for thou fleddist; and thou, Jordan, for thou were turned abak? 157 Munteyns, ye maden ful out ioye as rammes; and litle hillis, as the lambren of scheep. 158 The erthe was moued fro the face of the Lord; fro the face of God of Jacob. ¹⁵⁹ Which turnede a stoon in to pondis of watris; and an hard rooch in to wellis of watris. ¹⁶⁰ Lord, not to vs, not to vs; but yyue thou glorie to thi name. ¹⁶¹ On thi merci and thi treuthe; lest ony tyme hethene men seien, Where is the God of hem? ¹⁶² Forsothe oure God in heuene; dide alle thingis, whiche euere he wolde. ¹⁶³ The symulacris of hethene men ben siluer and gold; the werkis of mennus hondis. ¹⁶⁴ Tho han mouth, and schulen not speke; tho han iyen, and schulen not se. ¹⁶⁵ Tho han eeris, and schulen not here; tho han nose thurls, and schulen not smelle. ¹⁶⁶ Tho han hondis, and schulen not grope; tho han feet, and schulen not go; tho schulen not crye in her throte. ¹⁶⁷ Thei that maken tho ben maad lijk tho; and alle that triste in tho. ¹⁶⁸ The hous of Israel hopide in the Lord; he is the helpere of hem, and the defendere of hem. 169 The hous of Aaron hopide in the Lord; he is the helpere of hem, and the defendere of hem. 170 Thei that dreden the Lord, hopiden in the Lord; he is the helpere of hem, and the defendere of hem. 171 The Lord was myndeful of vs; and blesside vs. He blesside the hous of Israel; he blesside the hous of Aaron. 172 He blesside alle men that dreden the Lord; he blesside litle men with the grettere. 173 The Lord encreesse on you; on you and on youre sones. 174 Blessid be ye of the Lord; that made heuene and erthe. 175 Heuene of heuene is to the Lord; but he yaf erthe to the sones of men. ¹⁷⁶ Lord, not deed men schulen herie thee; nether alle men that goen doun in to helle.