Psalms 120
Psalms chapter 120 from the John Wycliffe Bible (c.1395)
enm
CC-BY-SA-4.0
2 The titil of the hundrid and fourtenthe salm. Alleluia. I louede `the Lord; for the Lord schal here the vois of my preier. 3 For he bowide doun his eere to me; and Y schal inwardli clepe in my daies. 4 The sorewis of deth cumpassiden me; and the perelis of helle founden me. 5 I foond tribulacioun and sorewe; and Y clepide inwardli the name of the Lord. Thou, Lord, delyuere my soule; 6 the Lord is merciful, and iust; and oure God doith merci. 7 And the Lord kepith litle children; Y was mekid, and he delyuerede me.
