Psalms 125
Psalms chapter 125 from the John Wycliffe Bible (c.1395)
enm
CC-BY-SA-4.0
1 I schal not die, but Y schal lyue; and Y schal telle the werkis of the Lord. 2 The Lord chastisinge hath chastisid me; and he yaf not me to deth. 3 Opene ye to me the yatis of riytfulnesse, and Y schal entre bi tho, and Y schal knouleche to the Lord; 4 this yate is of the Lord, and iust men schulen entre bi it. 5 I schal knouleche to thee, for thou herdist me; and art maad to me in to heelthe.
