Psalms 130
Psalms chapter 130 from the John Wycliffe Bible (c.1395)
enm
CC-BY-SA-4.0
1 Do thou awei `fro me schenschipe and dispising; for Y souyte thi witnessingis. 2 For whi princis saten, and spaken ayens me; but thi seruaunt was exercisid in thi iustifiyngis. 3 For whi and thi witnessyngis is my thenkyng; and my counsel is thi iustifiyngis. 4 Mi soule cleuede to the pawment; quykine thou me bi thi word. 5 I telde out my weies, and thou herdist me; teche thou me thi iustifiyngis. 6 Lerne thou me the weie of thi iustifiyngis; and Y schal be exercisid in thi merueils. 7 Mi soule nappide for anoye; conferme thou me in thi wordis. 8 Remoue thou fro me the weie of wickidnesse; and in thi lawe haue thou merci on me.
