Psalms 137
Psalms chapter 137 from the John Wycliffe Bible (c.1395)
1 I purchasside thi witnessyngis bi eritage with outen ende; for tho ben the ful ioiyng of myn herte. 2 I bowide myn herte to do thi iustifiyngis with outen ende; for reward. 3 I hatide wickid men; and Y louede thi lawe. 4 Thou art myn helpere, and my `taker vp; and Y hopide more on thi word. 5 Ye wickide men, bowe awei fro me; and Y schal seke the comaundementis of my God. 6 Vp take thou me bi thi word, and Y schal lyue; and schende thou not me fro myn abydyng. 7 Helpe thou me, and Y schal be saaf; and Y schal bithenke euere in thi iustifiyngis. 8 Thou hast forsake alle men goynge awey fro thi domes; for the thouyt of hem is vniust. 9 I arettide alle the synneris of erthe brekeris of the lawe; therfor Y louede thi witnessyngis.
