Psalms 141

¹ Lord, my biseching come niy in thi siyt; bi thi speche yyue thou vndurstonding to me. ² Myn axing entre in thi siyt; bi thi speche delyuere thou me. ³ Mi lippis schulen telle out an ympne; whanne thou hast tauyte me thi iustifiyngis. ⁴ Mi tunge schal pronounce thi speche; for whi alle thi comaundementis ben equite. ⁵ Thin hond be maad, that it saue me; for Y haue chose thin heestis. ⁶ Lord, Y coueitide thin heelthe; and thi lawe is my thenking. ⁷ Mi soule schal lyue, and schal herie thee; and thi domes schulen helpe me. ⁸ I erride as a scheep that perischide; Lord, seke thi seruaunt, for Y foryat not thi comaundementis. ¹⁰ The `title of the hundrid and nyntenthe salm. The song of greces. Whanne Y was set in tribulacioun, Y criede to the Lord; and he herde me.