Psalms 143

¹ The Lord yyue not thi foot in to mouyng; nether he nappe, that kepith thee. ² Lo! he schal not nappe, nether slepe; that kepith Israel. ³ The Lord kepith thee; the Lord is thi proteccioun aboue thi riythond. ⁴ The sunne schal not brenne thee bi dai; nether the moone bi nyyt. ⁵ The Lord kepe thee fro al yuel; the Lord kepe thi soule. ⁶ The Lord kepe thi goyng in and thi goyng out; fro this tyme now and in to the world. ⁸ The `title of the hundrid and oon and twentithe salm. The song of the grecis of Dauid. I am glad in these thingis, that ben seid to me; We schulen go in to the hous of the Lord. ⁹ Oure feet weren stondynge; in thi hallis, thou Jerusalem. ¹⁰ Jerusalem, which is bildid as a citee; whos part taking therof is in to the same thing. ¹¹ For the lynagis, the lynagis of the Lord stieden thidir, the witnessing of Israel; to knouleche to the name of the Lord. ¹² For thei saten there on seetis in doom; seetis on the hous of Dauid.