Psalms 144
Psalms chapter 144 from the John Wycliffe Bible (c.1395)
1 Pees be maad in thi vertu; and abundaunce in thi touris.
2 For my britheren and my neiyboris; Y spak pees of thee.
3 For the hous of oure Lord God; Y souyte goodis to thee.
5 The title of the hundrid and two and twentithe salm. The song of grecis. To thee Y haue reisid myn iyen; that dwellist in heuenes.
6 Lo! as the iyen of seruauntis; ben in the hondis of her lordis. As the iyen of the handmaide ben in the hondis of her ladi; so oure iyen ben to oure Lord God, til he haue mercy on vs.
7 Lord, haue thou merci on vs, haue thou merci on vs; for we ben myche fillid with dispisyng.
8 For oure soule is myche fillid; we ben schenschipe to hem that ben abundaunte with richessis, and dispising to proude men.
10 The title of the hundrid and thre and twentithe salm. The song of grecis of Dauith. Israel seie now, No but for the Lord was in vs;</span> <span class="verse" data-verse="11"><sup>11</sup> no but for the Lord was in vs. Whanne men risiden vp ayens vs;
12 in hap thei hadden swalewid vs quike. Whanne the woodnesse of hem was wrooth ayens vs;
13 in hap watir hadde sope vs vp.
14 Oure soule passide thoruy a stronde; in hap oure soule hadde passide thoruy a watir vnsuffrable.
15 Blessid be the Lord; that `yaf not vs in taking to the teeth of hem.
