Psalms 145

¹ Oure helpe is in the name of the Lord; that made heuene and erthe. ³ The title of the hundrid and foure and twentithe salm. The song of greces. Thei that tristen in the Lord ben as the hil of Syon; he schal not be moued with outen ende, ⁴ that dwellith in Jerusalem. Hillis ben in the cumpas of it, and the Lord is in the cumpas of his puple; fro this tyme now and in to the world. ⁵ For the Lord schal not leeue the yerde of synneris on the part of iust men; that iust men holde not forth her hondis to wickidnesse. ⁶ Lord, do thou wel; to good men, and of riytful herte. ⁷ But the Lord schal lede them that bowen in to obligaciouns, with hem that worchen wickidnesse; pees be on Israel. ⁹ The title of the hundrid and fyue and twentithe salm. The song of grecis. Whanne the Lord turnede the caitifte of Sion; we weren maad as coumfortid. ¹⁰ Thanne oure mouth was fillid with ioye; and oure tunge with ful out ioiyng. Thanne thei schulen seie among hethene men; The Lord magnefiede to do with hem. ¹¹ The Lord magnefiede to do with vs; we ben maad glad. ¹² Lord, turne thou oure caitifte; as a stronde in the south. ¹³ Thei that sowen in teeris; schulen repe in ful out ioiyng. ¹⁴ Thei goynge yeden, and wepten; sendynge her seedis. But thei comynge schulen come with ful out ioiyng; berynge her handfullis. ¹⁷ The title of the hundrid and sixe and twentithe salm. The song of greces of Salomon. No but the Lord bilde the hous; thei that bilden it han trauelid in veyn. No but the Lord kepith the citee; he wakith in veyn that kepith it. 18 It is veyn to you to rise bifore the liyt; rise ye after that ye han sete, that eten the breed of sorewe. Whanne he schal yyue sleep to his loued; lo! 19 the eritage of the Lord is sones, the mede is the fruyt of wombe. ²⁰ As arowis ben in the hond of the miyti; so the sones of hem that ben schakun out. ²¹ Blessid is the man, that hath fillid his desier of tho; he schal not be schent, whanne he schal speke to hise enemyes in the yate.