Psalms 147
Psalms chapter 147 from the John Wycliffe Bible (c.1395)
1 alle that haten Sion be schent, and turned abak.
2 Be thei maad as the hey of hous coppis; that driede vp, bifore that it be drawun vp.
3 Of which hei he that schal repe, schal not fille his hond; and he that schal gadere hondfullis, schal not fille his bosum.
4 And thei that passiden forth seiden not, The blessing of the Lord be on you; we blessiden you in the name of the Lord.
6 The title of the hundrid and nyne and twentithe salm. The song of greces. Lord, Y criede to thee fro depthes; Lord, here thou mi vois.
7 Thin eeris be maad ententif; in to the vois of my biseching.
8 Lord, if thou kepist wickidnessis; Lord, who schal susteyne?
9 For merci is at thee; and, Lord, for thi lawe Y abood thee. Mi soule susteynede in his word; my soule hopide in the Lord.
10 Fro the morewtid keping til to niyt;
11 Israel hope in the Lord.
12 For whi merci is at the Lord; and plenteous redempcioun is at hym.
13 And he schal ayen bie Israel; fro alle the wickidnessis therof.
15 The title of the hundrid and thrittithe salm. The song of greces, `to Dauith himself. Lord, myn herte is not enhaunsid; nether myn iyen ben reisid. Nether Y yede in the grete thingis; nether in merueilis aboue me.
16 If Y feelide not mekely; but enhaunside my soule. As a childe wenyde on his modir; so yelding be in my soule.
17 Israel hope in the Lord; fro this tyme now and in to the world.
19 The title of the hundrid and oon and thrittithe salm. The song of greces. Lord, haue thou mynde on Dauid; and of al his myldenesse.
20 As he swoor to the Lord; he made a vowe to God of Jacob.
