Psalms 16

¹ But his wille is in the lawe of the Lord; and he schal bithenke in the lawe of hym dai and nyyt. ² And he schal be as a tree, which is plauntid bisidis the rennyngis of watris; which tre schal yyue his fruyt in his tyme. And his leef schal not falle doun; and alle thingis which euere he schal do schulen haue prosperite. ³ Not so wickid men, not so; but thei ben as dust, which the wynd castith awei fro the face of erthe. ⁴ Therfor wickid men risen not ayen in doom; nethir synneres in the councel of iust men. ⁵ For the Lord knowith the weie of iust men; and the weie of wickid men schal perische. ⁷ Whi gnastiden with teeth hethene men; and puplis thouyten veyn thingis? ⁸ The kyngis of erthe stoden togidere; and princes camen togidere ayens the Lord, and ayens his Crist? ⁹ Breke we the bondis of hem; and cast we awei the yok of hem fro vs. ¹⁰ He that dwellith in heuenes schal scorne hem; and the Lord schal bimowe hem. ¹¹ Thanne he schal speke to hem in his ire; and he schal disturble hem in his stronge veniaunce.