Psalms 17
Psalms chapter 17 from the John Wycliffe Bible (c.1395)
1 The Lord seide to me, Thou art my sone; Y haue gendrid thee to dai.
2 Axe thou of me, and Y schal yyue to thee hethene men thin eritage; and thi possessioun the termes of erthe.
3 Thou schalt gouerne hem in an yrun yerde; and thou schalt breke hem as the vessel of a pottere.
4 And now, ye kyngis, vndurstonde; ye that demen the erthe, be lerud.
5 Serue ye the Lord with drede; and make ye ful ioye to hym with tremblyng.
6 Take ye lore; lest the Lord be wrooth sumtyme, and lest ye perischen fro iust waie.
7 Whanne his ire brenneth out in schort tyme; blessed ben alle thei, that tristen in hym.</span> <span class="verse" data-verse="9"><sup>9</sup> The title of the thridde salm. The salm of Dauid, whanne he fledde fro the face of Absolon, his sone.
10 Lord, whi ben thei multiplied that disturblen me?
11 many men rysen ayens me. Many men seien of my soule, Noon helthe is to hym in his God.
12 But thou, Lord, art myn vptakere; my glorye, and enhaunsyng myn heed.
13 With my vois Y criede to the Lord; and he herde me fro his hooli hil.
14 I slepte, and `was quenchid, and Y roos vp; for the Lord resseyuede me.
15 I schal not drede thousyndis of puple cumpassynge me; Lord, rise thou vp; my God, make thou me saaf.
