Psalms 2

¹ Whether thi cloothis ben not hoote, whanne the erthe is blowun with the south? ² In hap thou madist with hym heuenes, which moost sad ben foundid, as of bras. ³ Schewe thou to vs, what we schulen seie to hym; for we ben wlappid in derknessis. ⁴ Who schal telle to hym, what thingis Y speke? yhe, if he spekith, a man schal be deuourid. ⁵ And now men seen not liyt; the eir schal be maad thicke sudenli in to cloudis, and wynd passynge schal dryue awei tho. ⁶ Gold schal come fro the north, and ferdful preisyng of God. ⁷ For we moun not fynde him worthili; he is greet in strengthe, and in doom, and in riytfulnesse, and may not be teld out. ⁸ Therfor men schulen drede hym; and alle men, that semen to hem silf to be wise, schulen not be hardi to biholde. ¹⁰ Forsothe the Lord answeride fro the whirlewynd to Joob, ¹¹ and seide, Who is this man, wlappynge sentences with vnwise wordis? ¹² Girde thou as a man thi leendis; Y schal axe thee, and answere thou to me.