Psalms 25

¹ for the Lord is in a riytful generacioun. Thou hast schent the counsel of a pore man; for the Lord is his hope. ² Who schal yyue fro Syon helthe to Israel? Whanne the Lord hath turned awei the caitifte of his puple; Jacob schal fulli be ioiful, and Israel schal be glad. 4 Lord, who schal dwelle in thi tabernacle; ether who schal reste in thin hooli hil? 5 He that entrith with out wem; and worchith riytfulnesse. 6 Which spekith treuthe in his herte; which dide not gile in his tunge. Nethir dide yuel to his neiybore; and took not schenschip ayens hise neiyboris. 7 A wickid man is brouyt to nouyt in his siyt; but he glorifieth hem that dreden the Lord. Which swerith to his neiybore, and disseyueth not; 8 which yaf not his money to vsure; and took not yiftis on the innocent. He, that doith these thingis, schal not be moued with outen ende. 10 The title of the fiuetenthe salm. Of the meke and symple, the salm of Dauid. Lord, kepe thou me, for Y haue hopid in thee; ¹¹ Y seide to the Lord, Thou art my God, for thou hast no nede of my goodis. ¹² To the seyntis that ben in the lond of hym; he made wondurful alle my willis in hem. ¹³ The sikenessis of hem ben multiplied; aftirward thei hastiden. I schal not gadire togidere the conuenticulis, ethir litle couentis, of hem of bloodis; and Y schal not be myndeful of her names bi my lippis. 14 The Lord is part of myn eritage, and of my passion; thou art, that schalt restore myn eritage to me. 15 Coordis felden to me in ful clere thingis; for myn eritage is ful cleer to me. 16 I schal blesse the Lord, that yaf vndurstondyng to me; ferthermore and my reynes blameden me til to nyyt. ¹⁷ I purueide euere the Lord in my siyt; for he is on the riythalf to me, that Y be not moued. ¹⁸ For this thing myn herte was glad, and my tunge ioyede fulli; ferthermore and my fleisch schal reste in hope. ¹⁹ For thou schalt not forsake my soule in helle; nether thou schalt yyue thin hooli to se corrupcioun. Thou hast maad knowun to me the weies of lijf; thou schalt fille me of gladnesse with thi cheer; delityngis ben in thi riythalf `til in to the ende. ²² The title of the sixtenthe salm. The preier of Dauid. Lord, here thou my riytfulnesse; biholde thou my preier. Perseuye thou with eeris my preier; not maad in gileful lippis.