Psalms 31

¹ Therfor, Lord, Y schal knouleche to thee among naciouns; and Y schal seie salm to thi name. ² Magnyfiynge the helthis of his kyng; and doynge merci to his crist Dauid, and to his seed til in to the world. ⁴ The title of the eiytenthe salm. To victorie, the salm of Dauid. ⁵ Heuenes tellen out the glorie of God; and the firmament tellith the werkis of hise hondis. ⁶ The dai tellith out to the dai a word; and the nyyt schewith kunnyng to the nyyt. ⁷ No langagis ben, nether wordis; of whiche the voices of hem ben not herd. ⁸ The soun of hem yede out in to al erthe; and the wordis of hem yeden out in to the endis of the world.</span> <span class="verse" data-verse="9"><sup>9</sup> In the sunne he hath set his tabernacle; and he as a spouse comynge forth of his chaumbre. He fulli ioyede, as a giaunt, to renne his weie;</span> <span class="verse" data-verse="10"><sup>10</sup> his goynge out was fro hiyeste heuene. And his goyng ayen was to the hiyeste therof; and noon is that hidith hym silf fro his heet.</span> <span class="verse" data-verse="11"><sup>11</sup> The lawe of the Lord is with out wem, and conuertith soulis; the witnessyng of the Lord is feithful, and yyueth wisdom to litle children.</span> <span class="verse" data-verse="12"><sup>12</sup> The riytfulnessis of the Lord ben riytful, gladdynge hertis; the comaundement of the Lord is cleere, liytnynge iyen.</span> <span class="verse" data-verse="13"><sup>13</sup> The hooli drede of the Lord dwellith in to world of world; the domes of the Lord ben trewe, iustified in to hem silf.</span> <span class="verse" data-verse="14"><sup>14</sup> Desirable more than gold, and a stoon myche preciouse; and swettere than hony and honycoomb.</span> <span class="verse" data-verse="15"><sup>15</sup> Forwhi thi seruaunt kepith thoo; myche yeldyng is in tho to be kept. ¹⁶ Who vndurstondith trespassis? make thou me cleene fro my priuy synnes; ¹⁷ and of alien synnes spare thi seruaunt. `If the forseid defautis ben not, Lord, of me, than Y schal be with out wem; and Y schal be clensid of the mooste synne. ¹⁸ And the spechis of my mouth schulen be, that tho plese; and the thenkynge of myn herte euere in thi siyt. Lord, myn helpere; and myn ayenbiere. ²⁰ The title of the nyntenthe salm. To victorie, the salm of Dauid. ²¹ The Lord here thee in the dai of tribulacioun; the name of God of Jacob defende thee. ²² Sende he helpe to thee fro the hooli place; and fro Syon defende he thee. ²³ Be he myndeful of al thi sacrifice; and thi brent sacrifice be maad fat. ²⁴ Yyue he to thee aftir thin herte; and conferme he al thi counsel.