Psalms 33

¹ For the kyng hopith in the Lord; and in the merci of the hiyeste he schal not be moued. ² Thyn hond be foundun to alle thin enemyes; thi riythond fynde alle hem that haten thee. ³ Thou schalt putte hem as a furneis of fier in the tyme of thi cheer; the Lord schal disturble hem in his ire, and fier schal deuoure hem. ⁴ Thou schalt leese the fruyt of hem fro erthe; and thou schalt leese the seed of hem fro the sones of men. 5 For thei bowiden yuels ayens thee; thei thouyten counseils, whiche thei myyten not stablische. 6 For thou schalt putte hem abac; in thi relifs thou schalt make redi the cheer of hem. 7 Lord, be thou enhaunsid in thi vertu; we schulen synge, and seie opinly thi vertues. 9 The title of the oon and twentithe salm. To ouercome, for `the morewtid hynd; the salm of Dauid. ¹⁰ God, my God, biholde thou on me, whi hast thou forsake me? the wordis of my trespassis ben fer fro myn helthe. ¹¹ Mi God, Y schal crye bi dai, and thou schalt not here; and bi nyyt, and not to vnwisdom to me. ¹² Forsothe thou, the preisyng of Israel, dwellist in holynesse; ¹³ oure fadris hopiden in thee, thei hopiden, and thou delyueridist hem. ¹⁴ Thei crieden to thee, and thei weren maad saaf; thei hopiden in thee, and thei weren not schent. ¹⁵ But Y am a worm, and not man; the schenschip of men, and the outcastyng of the puple. ¹⁶ Alle men seynge me scorneden me; thei spaken with lippis, and stiriden the heed. ¹⁷ He hopide in the Lord, delyuere he hym; make he hym saaf, for he wole hym. ¹⁸ For thou it art that drowist me out of the wombe, thou art myn hope fro the tetis of my modir; ¹⁹ in to thee Y am cast forth fro the wombe. Fro the wombe of my modir thou art my God; departe thou not fro me. ²⁰ For tribulacioun is next; for noon is that helpith. ²¹ Many calues cumpassiden me; fatte bolis bisegiden me. ²² Thei openyden her mouth on me; as doith a lioun rauyschynge and rorynge.