Psalms 36

¹ oon aloone and pore The tribulaciouns of myn herte ben multiplied; delyuere thou me of my nedis. ² Se thou my mekenesse and my trauel; and foryyue thou alle my trespassis. ³ Bihold thou myn enemyes, for thei ben multiplied; and thei haten me bi wickid hatrede. ⁴ Kepe thou my soule, and delyuere thou me; be Y not aschamed, for Y hopide in thee. ⁵ Innocent men and riytful cleuyden to me; for Y suffride thee. ⁶ God, delyuere thou Israel; fro alle hise tribulaciouns. ⁸ The title of the fyue and twentithe salm. `To Dauid. Lord, deme thou me, for Y entride in myn innocens; and Y hopynge in the Lord schal not be made vnstidfast. ⁹ Lord, preue thou me, and asaie me; brenne thou my reynes, and myn herte. ¹⁰ For whi thi merci is bifor myn iyen; and Y pleside in thi treuthe. ¹¹ I sat not with the counsel of vanyte; and Y schal not entre with men doynge wickid thingis. ¹² I hatide the chirche of yuele men; and Y schal not sitte with wickid men.