Psalms 37

¹ That Y here the vois of heriyng; and that Y telle out alle thi merueils. ² Lord, Y haue loued the fairnesse of thin hows; and the place of the dwellyng of thi glorie. ³ God, leese thou not my soule with vnfeithful men; and my lijf with men of bloodis. ⁴ In whose hondis wyckidnessis ben; the riythond of hem is fillid with yiftis. ⁵ But Y entride in myn innocens; ayenbie thou me, and haue merci on me. ⁶ Mi foot stood in riytfulnesse; Lord, Y schal blesse thee in chirchis. ⁸ The title of the sixe and twentithe salm. To Dauid. The Lord is my liytnyng, and myn helthe; whom schal Y drede? The Lord is defendere of my lijf; for whom schal Y tremble? ⁹ The while noiful men neiyen on me; for to ete my fleischis. Myn enemyes, that trobliden me; thei weren maad sijk and felden doun. ¹⁰ Thouy castels stonden togidere ayens me; myn herte schal not drede. Thouy batel risith ayens me; in this thing Y schal haue hope. ¹¹ I axide of the Lord o thing; Y schal seke this thing; that Y dwelle in the hows of the Lord alle the daies of my lijf. That Y se the wille of the Lord; and that Y visite his temple. ¹² For he hidde me in his tabernacle in the dai of yuelis; he defendide me in the hid place of his tabernacle. ¹³ He enhaunside me in a stoon; and now he enhaunside myn heed ouer myn enemyes. I cumpasside, and offride in his tabernacle a sacrifice of criyng; Y schal synge, and Y schal seie salm to the Lord. ¹⁴ Lord, here thou my vois, bi which Y criede to thee; haue thou merci on me, and here me. ¹⁵ Myn herte seide to thee, My face souyte thee; Lord, Y schal seke eft thi face. ¹⁶ Turne thou not awei thi face fro me; bouwe thou not awei in ire fro thi seruaunt. Lord, be thou myn helpere, forsake thou not me; and, God, myn helthe, dispise thou not me. ¹⁷ For my fadir and my modir han forsake me; but the Lord hath take me. ¹⁸ Lord, sette thou a lawe to me in thi weie; and dresse thou me in thi path for myn enemyes. ¹⁹ Bitake thou not me in to the soules of hem, that troblen me; for wickid witnessis han rise ayens me, and wickydnesse liede to it silf. ²⁰ I bileue to see the goodis of the Lord; in the lond of hem that lyuen.</span> <span class="verse" data-verse="21"><sup>21</sup> Abide thou the Lord, do thou manli; and thin herte be coumfortid, and suffre thou the Lord.</span> <span class="verse" data-verse="23"><sup>23</sup> The title of the seuen and twentithe salm. To Dauid. Lord, Y schal crye to thee; my God, be thou not stille fro me, be thou not stille ony tyme fro me; and Y schal be maad lijk to hem, that goen doun in to the lake. ²⁴ Lord, here thou the vois of my bisechyng, while Y preie to thee; whyle Y reise myn hondis to thin hooli temple. ²⁵ Bitake thou not me togidere with synneris; and leese thou not me with hem that worchen wickidnesse. Whyche speken pees with her neiybore; but yuels ben in her hertis. ²⁶ Yyue thou to hem vpe the werkis of hem; and vpe the wickidnesse of her fyndyngis. Yyue thou to hem vpe the werkis of her hondis; yelde thou her yeldyng to hem. ²⁷ For thei vndurstoden not the werkis of the Lord, and bi the werkis of hise hondis thou schalt destrie hem; and thou schalt not bilde hem. ²⁸ Blissid be the Lord; for he herde the vois of my bisechyng. ²⁹ The Lord is myn helpere and my defendere; and myn herte hopide in hym, and Y am helpid. And my fleisch flouride ayen; and of my wille Y schal knowleche to hym. ³⁰ The Lord is the strengthe of his puple; and he is defendere of the sauyngis of his crist. ³¹ Lord, make thou saaf thi puple, and blesse thou thin eritage; and reule thou hem, and enhaunse thou hem til in to with outen ende. ³³ The title of the eiyt and twentithe salm. The salm, ethir song of Dauid. Ye sones of God, brynge to the Lord; brynge ye to the Lord the sones of rammes. ³⁴ Brynge ye to the Lord glorie and onour; brynge ye to the Lord glorie to his name; herie ye the Lord in his hooli large place. ³⁵ The vois of the Lord on watris, God of mageste thundride; the Lord on many watris. ³⁶ The vois of the Lord in vertu; the vois of the Lord in greet doyng. ³⁷ The vois of the Lord brekynge cedris; and the Lord schal breke the cedris of the Liban. ³⁸ And he schal al to-breke hem to dust as a calf of the Liban; and the derling was as the sone of an vnycorn. ³⁹ The vois of the Lord departynge the flawme of fier; ⁴⁰ the vois of the Lord schakynge desert; and the Lord schal stire togidere the desert of Cades.