Psalms 38

¹ The Lord makith to enhabite the greet flood; and the Lord schal sitte kyng with outen ende. ² The Lord schal yyue vertu to his puple; the Lord schal blesse his puple in pees. ⁴ The title of the nyne and twentithe salm. The salm of song, for the halewyng of the hows of Dauid. ⁵ Lord, Y schal enhaunse thee, for thou hast vp take me; and thou delitidist not myn enemyes on me. ⁶ Mi Lord God, Y criede to thee; and thou madist me hool. ⁷ Lord, thou leddist out my soule fro helle; thou sauedist me fro hem that goen doun into the lake. ⁸ Ye seyntis of the Lord, synge to the Lord; and knowleche ye to the mynde of his hoolynesse. ⁹ For ire is in his indignacioun; and lijf is in his wille. Wepyng schal dwelle at euentid; and gladnesse at the morewtid. ¹⁰ Forsothe Y seide in my plentee; Y schal not be moued with outen ende. ¹¹ Lord, in thi wille; thou hast youe vertu to my fairnesse. Thou turnedist awei thi face fro me; and Y am maad disturblid. ¹² Lord, Y schal crye to thee; and Y schal preye to my God. ¹³ What profit is in my blood; while Y go doun in to corrupcioun? Whether dust schal knouleche to thee; ethir schal telle thi treuthe? ¹⁴ The Lord herde, and hadde merci on me; the Lord is maad myn helpere. ¹⁵ Thou hast turned my weilyng in to ioye to me; thou hast to-rent my sak, and hast cumpassid me with gladnesse. ¹⁶ That my glorie synge to thee, and Y be not compunct; my Lord God, Y schal knouleche to thee with outen ende. ¹⁸ The title of the thrittithe salm. To victorie, the salm of Dauid. ¹⁹ Lord, Y hopide in thee, be Y not schent with outen ende; delyuere thou me in thi riytfulnesse. ²⁰ Bouwe doun thin eere to me; haaste thou to delyuere me. Be thou to me in to God defendere, and in to an hows of refuyt; that thou make me saaf. ²¹ For thou art my strengthe and my refuyt; and for thi name thou schalt lede me forth, and schalt nurische me. ²² Thou schalt lede me out of the snare, which thei hidden to me; for thou art my defendere.