Psalms 44

¹ Alle ye hooli men of the Lord, drede hym; for no nedynesse is to men dredynge hym. ² Riche men weren nedi, and weren hungri; but men that seken the Lord schulen not faile of al good. ³ Come, ye sones, here ye me; Y schal teche you the drede of the Lord. ⁴ Who is a man, that wole lijf; loueth to se good daies? ⁵ Forbede thi tunge fro yuel; and thi lippis speke not gile. ⁶ Turne thou awei fro yuel, and do good; seke thou pees, and perfitli sue thou it. ⁷ The iyen of the Lord ben on iust men; and hise eeren ben to her preiers. ⁸ But the cheer of the Lord is on men doynge yuels; that he leese the mynde of hem fro erthe. ⁹ Just men cryeden, and the Lord herde hem; and delyueride hem fro alle her tribulaciouns. ¹⁰ The Lord is nyy hem that ben of troblid herte; and he schal saue meke men in spirit. ¹¹ Many tribulaciouns ben of iust men; and the Lord schal delyuere hem fro alle these. ¹² The Lord kepith alle the boonys of hem; oon of tho schal not be brokun. ¹³ The deth of synneris is werst; and thei that haten a iust man schulen trespasse. ¹⁴ The Lord schal ayenbie the soulis of hise seruauntis; and alle, that hopen in him, schulen not trespasse. ¹⁶ The title of the foure and thrittithe salm. `To Dauid. Lord, deme thou hem, that anoien me; ouercome thou hem, that fiyten ayens me. ¹⁷ Take thou armeris and scheeld; and rise vp into help to me. ¹⁸ Schede out the swerd, and close togidere ayens hem that pursuen me; seie thou to my soule, Y am thin helthe. ¹⁹ Thei that seken my lijf; be schent, and aschamed. Thei that thenken yuels to me; be turned awei bacward, and be schent. ²⁰ Be thei maad as dust bifor the face of the wynd; and the aungel of the Lord make hem streit. ²¹ Her weie be maad derknesse, and slydirnesse; and the aungel of the Lord pursue hem. ²² For with out cause thei hidden to me the deth of her snare; in veyn thei dispisiden my soule. ²³ The snare which he knoweth not come to hym, and the takyng which he hidde take hym; and fall he in to the snare in that thing. ²⁴ But my soule schal fulli haue ioye in the Lord; and schal delite on his helthe. ²⁵ Alle my boonys schulen seie, Lord, who is lijk thee? Thou delyuerist a pore man fro the hond of his strengere; a nedi man and pore fro hem that diuersely rauischen hym. ²⁶ Wickid witnessis risynge axiden me thingis, whiche Y knewe not.