Psalms 45

¹ But whanne thei weren diseseful to me; Y was clothid in an heire. I mekide my soule in fastyng; and my preier schal be turned with ynne my bosum.</span> <span class="verse" data-verse="2"><sup>2</sup> I pleside so as oure neiybore, as oure brother; Y was maad meke so as morenynge and sorewful. ³ And thei weren glad, and camen togidere ayens me; turmentis weren gaderid on me, and Y knew not. ⁴ Thei weren scaterid, and not compunct, thei temptiden me, thei scornyden me with mowyng; thei gnastiden on me with her teeth. ⁵ Lord, whanne thou schalt biholde, restore thou my soule fro the wickidnesse of hem; `restore thou myn oon aloone fro liouns. ⁶ I schal knowleche to thee in a greet chirche; Y schal herie thee in a sad puple. ⁷ Thei that ben aduersaries wickidli to me, haue not ioye on me; that haten me with out cause, and bikenen with iyen. ⁸ For sotheli thei spaken pesibli to me; and thei spekynge in wrathfulnesse of erthe thouyten giles. ⁹ And thei maden large her mouth on me; thei seiden, Wel, wel! oure iyen han sien. ¹⁰ Lord, thou hast seen, be thou not stille; Lord, departe thou not fro me. ¹¹ Rise vp, and yyue tent to my doom; my God and my Lord, biholde in to my cause. ¹² Mi Lord God, deme thou me bi thi riytfulnesse; and haue thei not ioye on me. ¹³ Seie thei not in her hertis, Wel, wel, to oure soule; nether seie thei, We schulen deuoure hym. ¹⁴ Shame thei, and drede thei togidere; that thanken for myn yuels. Be thei clothid with schame and drede; that speken yuele thingis on me. ¹⁵ Haue thei ful ioie, and be thei glad that wolen my riytfulnesse; and seie thei euere, The Lord be magnyfied, whiche wolen the pees of his seruaunt. ¹⁶ And my tunge schal bithenke thi riytfulnesse; al day thin heriyng.