Psalms 49

¹ I was yongere, and sotheli Y wexide eld, and Y siy not a iust man forsakun; nethir his seed sekynge breed. ² Al dai he hath merci, and leeneth; and his seed schal be in blessyng. ³ Bouwe thou awei fro yuel, and do good; and dwelle thou in to the world of world. ⁴ For the Lord loueth doom, and schal not forsake hise seyntis; thei schulen be kept with outen ende. Vniust men schulen be punyschid; and the seed of wickid men schal perische. ⁵ But iust men schulen enerite the lond; and schulen enabite theronne in to the world of world. ⁶ The mouth of a iust man schal bithenke wisdom; and his tunge schal speke doom. ⁷ The lawe of his God is in his herte; and hise steppis schulen not be disseyued. ⁸ A synnere biholdith a iust man; and sekith to sle hym. ⁹ But the Lord schal not forsake hym in hise hondis; nethir schal dampne hym, whanne it schal be demed ayens hym. ¹⁰ Abide thou the Lord, and kepe thou his weie, and he schal enhaunse thee, that bi eritage thou take the lond; whanne synneris schulen perische, thou schalt se. ¹¹ I siy a wickid man enhaunsid aboue; and reisid vp as the cedris of Liban. ¹² And Y passide, and lo! he was not; Y souyte hym, and his place is not foundun. ¹³ Kepe thou innocence, and se equite; for tho ben relikis to a pesible man. ¹⁴ Forsothe vniust men schulen perische; the relifs of wickid men schulen perische togidere. ¹⁵ But the helthe of iust men is of the Lord; and he is her defendere in the tyme of tribulacioun. ¹⁶ And the Lord schal helpe hem, and schal make hem fre, and he schal delyuere hem fro synneris; and he schal saue hem, for thei hopiden in hym. ¹⁸ The title of the seuene and thrittithe salm. `The salm of Dauid, to bythenke on the sabat. ¹⁹ Lord, repreue thou not me in thi strong veniaunce; nether chastice thou me in thin ire. ²⁰ For thin arowis ben fitchid in me; and thou hast confermed thin hond on me.