Psalms 5

¹ whiche thingis Y made redy in to the tyme of an enemy, in to the dai of fiytyng and of batel. ² Bi what weie is the liyt spred abrood, heete is departid on erthe? ³ Who yaf cours to the strongeste reyn, ⁴ and weie of the thundur sownynge? That it schulde reyne on the erthe with out man in desert, where noon of deedli men dwellith? ⁵ That it schulde fille a lond with out weie and desolat, and schulde brynge forth greene eerbis? ⁶ Who is fadir of reyn, ether who gendride the dropis of deew? ⁷ Of whos wombe yede out iys, and who gendride frost fro heuene? ⁸ Watris ben maad hard in the licnesse of stoon, and the ouer part of occian is streyned togidere. ⁹ Whether thou schalt mowe ioyne togidere schynynge sterris Pliades, ethir thou schalt mowe distrie the cumpas of Arturis? ¹⁰ Whether thou bryngist forth Lucifer, `that is, dai sterre, in his tyme, and makist euene sterre to rise on the sones of erthe? ¹¹ Whether thou knowist the ordre of heuene, and schalt sette the resoun therof in erthe? ¹² Whethir thou schalt reise thi vois in to a cloude, and the fersnesse of watris schal hile thee?