Psalms 58

¹ Be thou gird with thi swerd; on thi hipe most myytili. ² Biholde thou in thi schaplynesse and thi fairnesse; come thou forth with prosperite, and regne thou. For treuthe, and myldenesse, and riytfulnesse; and thi riyt hond schal lede forth thee wondurfuli. ³ Thi scharpe arowis schulen falle in to the hertis of the enemyes of the kyng; puplis schulen be vndur thee. ⁴ God, thi seete is in to the world of world; the yerde of thi rewme is a yerde of riyt reulyng, ethir of equite.</span> <span class="verse" data-verse="5"><sup>5</sup> Thou louedist riytfulnesse, and hatidist wickidnesse; therfor thou, God, thi God, anoyntide thee with the oile of gladnesse, more than thi felowis.</span> <span class="verse" data-verse="6"><sup>6</sup> Mirre, and gumme, and cassia, of thi clothis, of the housis yuer; ⁷ of whiche the douytris of kyngis delitiden thee. A queen stood nyy on thi riyt side in clothing ouergildid; cumpassid with dyuersitee. ⁸ Douyter, here thou, and se, and bowe doun thin eere; and foryete thi puple, and the hows of thi fadir. ⁹ And the kyng schal coueyte thi fairnesse; for he is thi Lord God, and thei schulen worschipe hym. ¹⁰ And the douytris of Tire in yiftis; alle the riche men of the puple schulen biseche thi cheer. ¹¹ Al the glorye of that douyter of the kyng is with ynne in goldun hemmes;