Psalms 60
Psalms chapter 60 from the John Wycliffe Bible (c.1395)
1 Alle ye folkis, make ioie with hondis; synge ye hertli to God in the vois of ful out ioiyng. 2 For the Lord is hiy and ferdful; a greet kyng on al erthe. 3 He made puplis suget to vs; and hethene men vndur oure feet. 4 He chees his eritage to vs; the fairnesse of Jacob, whom he louyde. 5 God stiede in hertli song; and the Lord in the vois of a trumpe. 6 Synge ye to oure God, synge ye; synge ye to oure kyng, synge ye. 7 For God is kyng of al erthe; synge ye wiseli. 8 God schal regne on hethene men; God sittith on his hooli seete. 9 The princes of puplis ben gaderid togidere with God of Abraham; for the stronge goddis of erthe ben reisid greetli. 11 The title of the seuene and fourtithe salm. The song of salm, of the sones of Chore. 12 The Lord is greet, and worthi to be preisid ful myche; in the citee of oure God, in the hooli hil of hym.
