Psalms 61

¹ God schal be knowun in the housis therof; whanne he schal take it. ² For lo! the kyngis of erthe weren gaderid togidere; thei camen into o place. ³ Thei seynge so wondriden; thei weren disturblid, thei weren mouyd togidere, tremblyng took hem. ⁴ There sorewis as of a womman trauelynge of child; ⁵ in a greet spirit thou schalt al to-breke the schippis of Tharsis. ⁶ As we herden, so we sien, in the citee of the Lord of vertues, in the citee of oure God; God hath foundid that citee with outen ende. ⁷ God, we han resseyued thi mercy; in the myddis of thi temple. ⁸ Aftir thi name, God, so thin heriyng is spred abrood in to the endis of erthe; thi riyt hond is ful of riytfulnesse.