Psalms 62

¹ Cumpasse ye Syon, and biclippe ye it; telle ye in the touris therof. ² Sette ye youre hertis in the vertu of him; and departe ye the housis of hym, that ye telle out in an other generacioun. ³ For this is God, oure God, in to withouten ende, and in to the world of world; he schal gouerne vs in to worldis. ⁵ The title of the eiyte and fourtithe salm. To victorie, a salm to the sones of Chore. ⁶ Alle ye folkis, here these thingis; alle ye that dwellen in the world, perseyue with eeris. ⁷ Alle the sones of erthe and the sones of men; togidere the riche man and the pore in to oon. ⁸ Mi mouth schal speke wisdom; and the thenkyng of myn herte schal speke prudence. ⁹ I schal bouwe doun myn eere in to a parable; Y schal opene my resoun set forth in a sautree. ¹⁰ Whi schal Y drede in the yuel dai? the wickidnesse of myn heele schal cumpasse me. ¹¹ Whiche tristen in her owne vertu; and han glorie in the multitude of her richessis. ¹² A brother ayenbieth not, schal a man ayenbie? and he schal not yyue to God his plesyng.